15.10.2015

Кубань Қазақстан инвесторларына курорт пен аграрлық ғылымды дамыту саласына капитал құюды ұсынып отыр – аймақ басшысы

Мәскеу.14 қазан. ИНТЕРФАКС-ОҢТҮСТІК – Краснодар өлкесі курорт саласын және агроөнеркәсіптік кешен саласында бірлескен ғылыми әзірлемелерді дамытуға Қазақстаннан инвестиция тартуға мүдделі болып отыр.

Қазақстанның ауыл шаруашылық аймақтарымен арада ынтымақтастықты, халықаралық экономикалық байланыстырды кеңейту мәселелерін Краснодар өлкесінің губернаторы Вениамин Кондратьев Мәскеуде қазан айының басында "Алтын күз – 2015" халықаралық агроөнеркәсіптік көрме барысында талқылады.

Кубань басшысы атап өткендей, аймақтар Қазақстанға кубандық өнімдерді, оның ішінде сұйық май, майонез, ұн, кондитерлік өнімдер, шұжық және ірімшік тасымалдауда анағұрлым тығыз ынтымақтаса алады.

"Қазақстан инвесторлары болса бізге өлке аумағында жыл бойы жұмыс істейтін курорт құруға көмек бере алар еді.Бізде термальды сулардың табиғи қоры бар. Біз әлемдік деңгейдегі ірі бальнелогиялық сауықтыру орындарын аша аламыз. Бұл да арадағы ынтымақтастықты дамытатын жаңа мүмкіндік болмақ», деп мәлімдеді баспасөз қызметінің өкілі.

Сондай-ақ губернатор бірлескен ғылыми жобаларды жүзеге асыруды, мамандарды стажировкадан өткізіп, дайындауды орынды деп санайды.

Кубань және Қазақстанды күріш саласындағы ортақ жетістіктер де байланыстырып отыр. Қазақстанда кубандық селекцияның сұрыптары күріш алаңының 60 пайызына егілген. Сонымен қатар Бүкілресейлік ғылыми зерттеу институты мен Биология және өсімдіктердің биотехнологиясы институтының ғалымдары Қазақстан Республикасы аумағында балалар мен диеталық өнімдерді өндіру үшін техникалық шарттарды әзірлеген.

Соңғы он жыл бойы Қазақстанның егістіктеріне күздік бидай мен арпаның өнімділігі жоғары кубандық сұрыптарын егу жұмыстары жүргізілуде. Қазір тоғыз сұрып өндірістік сынақтан өткізілуде.

Краснодар өлкесі Қазақстан Республикасымен сондай-ақ ауыл шаруашылық үшін машина құрастыру саласында да ынтымақтасып отыр. 2012 жылдан бері республиканың кәсіпорындары жалпы сомасы 155 млн рубльге 200- ден аса техника бірлігін сатып алды. В.Кондратьев арадағы ынтымақтастықтың бұдан былай да жалғаса беретіндігіне сенім білдірді.

Айдарлар мұрағаты