25.11.2016
Павлодар. 25 қараша. ИНТЕРФАКС-ҚАЗАҚСТАН – Павлодар облысының әкімі Болат Бакауов мемлекетттік шекарадан өтетін азаматтар үшін қолайлы жағдай туғызуды тапсырды, делінген облыстық әкімшіліктің баспасөз қызметінен таралған хабарламада.
"Қазақстандық-ресейлік шекарадағы «Үрлітөбе» шекаралық бақылау бөлімшесіне барған кезде аймақ басшысы айыппұл төлеу үшін шекаралық бекеттерге терминалдар орнату қажеттілігін атап өтті. Болат Бакауов шекарадан өтетін адамдардың сағаттап тұрып қалмауын талап етті», делінген жұмада таралған хабарламада.
"Мәселен, көрше елге шыққан азамат өзінде айыппұлдың барын білмеуі де ықтимал, оны әрине, өткізбейді, сонда ол терминал арқылы айыппұлын төлеп, жолын жалғастыра алады», деді Б.Бакауов.