Жаңартылды: 25.05.2018, 17:51 (АСТ)

25.11.2016

Мониторинг барысында Павлодар облысында бұрынғы зауыт орнының сынаппен ластанғандығы анықталмады-экологтар


Павлодар. 25 қараша. ИНТЕРФАКС-ҚАЗАҚСТАН – Павлодар облысында жылда жүргізілетін сынапқа қатысты мониторинг биыл сынап технологиясын қолдану арқылы хлор шығаратын зауыт аумағында сынап көрсеткіштерінің артып кеткендігін анықтамады, деп хабарлады облыстық жер қойнауын пайдалану, қоршаған орта және су ресурстары басқармасының баспасөз қызметінен.

Бұрынғы "Химпром" өндірістік кәсіпорны Павлодар облысында көптен бері ластанып келген орындардың біріне саналып келді. Өндіріс барысы кезінде сынаптың басым бөлігі бетон астына және топыраққа сіңген. 2002-2004 жылдары сынап көп шоғырланған ошақтарды оқшауландыру үшін демеркуризациялық жұмыстар жүргізілген болатын. Қазіргі уақытта "Химпром" сынапты технологиядан бас тартып, мембрандық технологияларға көшкен.

"Алынған сараптамаларға қарағанда, бақылауға алынған бүкіл нүктелерде атмосфераның сынап буынан ластанғандығы байқалмаған. Бақылауға алынған нысандардан 50-100 шақырым жердегі топырақ нәтижелеріне қарағанда, ондағы сынап деңгейінің нормадан аспағандығы тіркелген. Ертіс өзені суларының, яғни Павлодарское мен Шәукен селолары шегіндегі суларда сынаптың рұқсат етілген нормадан аспағандығы тіркелген, бұл шекаралық Ертіс өзенінің ластануы тәуекелділігінің төмендегендігін көрсетіп отыр, делінген бейсенбіде басқармадан таралған ақпаратта.

Экологтардың деректеріне қарағанда, сынаптан ластанған барлық ошақтардың ауамағында орналасқан скважиналарда жер асты суларында сынап бірқалыпты тұрақты деңгейде.

Атмосфералық ауадан бақылау үшін үлгілер құрамында сынап бар қалдықтар көмілген полигон аумағында белгіленген бақылау нүктелерінен алынды, оның ішінде полигон орталығы, бетоннан сынапты термикалық жолмен алу қондырғысының аумағы, N31корпустың маңайы, жинақтаушы Былқылдықтың іргесі мен жинақтаушы көлшік секілді орындар бар.

Облыстық бюджет 2005 жылдан бері сынап мониторингісін жүргізу үшін жыл сайын қаржы бөледі. Биылғы жұмысты "Каустик" АҚ сынақ орталығы жүзеге асырды. Атмосфералық ауадан 70 үлгі алынды, топырақтан 24, судан 167 (16 судың бетінен, 151 судың астынан).

Қазақстан аумағында жүргізілетін сынапқа қатысты мониторингпен қатар мұндай мониторингті ресейлік жақ та жүргізеді, оны федералды мемлекеттік бюджеттік "ОбьЕртіс қоршаған ортаның гидрометеорологиясы және мониторингі жөніндегі басқармасы» мекемесі жүзеге асырады.

Басқарманың ақпаратында атап өтілгендей, екі ел арасында топырақтың сынаптан ластану деңгейін айқындау үшін мемлекеттік мониторингтің жүргізілуі туралы ақпарат алмасу жалғастырылуда. Шекараралық гидрохимиялық бекет Омбы облысының аумағында Қазақстанмен арадағы шекарадан 17 шақырым жерде орналасқан.

Жыл сайын сынаптың шоғырлануына қатысты жүргізілетін мониторингке Павлодар 2016 жылы облыстық бюджеттен 3,2 млн теңге бөлді.


Айдарлар мұрағаты

Баспасөз орталығы



Error message here!

Show Error message here!

Close