Жаңартылды: 23.10.2018, 18:58 (АСТ)

02.11.2016

Павлодарда "Ertic Invest 2016" инвестициялық форумында 319,4 млрд теңге көлеміндегі келісімдерге қол қойылды


Павлодар. 2 қараша. ИНТЕРФАКС-ҚАЗАҚСТАН – Павлодарда "Ertic Invest 2016" инвестициялық форумы шеңберінде инвестициялық жобалар бойынша 35 коммерциялық келісімге қол қойылды, жалпы сомасы 319,4 млрд теңге, деп хабарланған облыс әкімінің баспасөз қызметінен таралған хабарламада.

"Оның ішінде әкімшіліктер мен бизнес-құрылымдар арасында 14 меморандум бар», делінген хабарламада.

Сондай-ақ Павлодар қаласының әкімшілігі мен "Павлодар-Сода" ЖШС арасында меморандумға қол қойылды, оның аясында 40,8 млрд теңге сомасына кальцийлендірілген соданы өндіру жөніндегі инвестициялық жоба жүзеге асырылатын болады.

Сондай-ақ Павлодар облысы әкімшілігі мен "Гиссенхаус" ЖШС арасында қосымша келісімге орай легирленген алюминий өндірісі жөніндегі жобаны орындау туралы меморандумға қол қойылды.

Павлодар облысы әкімшілігі мен германдық LVG GmbH компаниясы арасында арнайы экономикалық аймақ аумағында алюминий өндірісі кластерін құруға бағытталған ынтымақтастық туралы меморандумға қол қойылды.

Сондай-ақ Павлодар облысы әкімшілігі мен Eurasian Resources Group S.a.r.l. арасында өз ара түсіністік және ынтымақтастық туралы 2 млрд теңгеден аса соманы құрайтын меморандумға қол қойылды, түсті металлугия колледжінің студенттері үшін 200 орынға арналған жатақхананың құрылысы қаржыландырылады.

Инвестициялық форум Павлодарда үшінші жыл қатарынан өтуде. 2014 жылы 38,8 млрд теңге сома көлеміндегі келісімдерге қол қойылған болатын, 2015 жылғы сома 509,8 млрд теңгені құрады.


Айдарлар мұрағаты

Баспасөз орталығы



Error message here!

Show Error message here!

Close