Жаңартылды: 16.08.2018, 12:34 (АСТ)

05.10.2016

Павлодар облысының басшылығы РФ-ның көрші аумақтарына тікелей әуе рейстерін ұйымдастыруды ұсынып отыр


Павлодар. 5 қазан. ИНТЕРФАКС-ҚАЗАҚСТАН – Павлодар облысы Қазақстан мен Ресейдің аймақаралық ынтымақтастығының XIII Форумы шеңберінде Новосібір облысымен ынтымақтасу туралы меморандумға қол қойды, деп хабарлады облыстық әкімшіліктің баспасөз қызметінен.

Аймақ басшылары Болат Бакауов және Владимир Городецкий 2016-2017 жылдарға арналған экономикалық, әлеуметтік, ғылыми-техникалық және мәдени ынтымақтастық туралы келісімге және оның орындау туралы жоспарға қол қойды.

"Омбы облысы мен Алтай өлкесімен арада мұндай келісім болса, Новосібір облысымен арада әзірге болған жоқ. Павлодар облысының Ресей Федерациясымен арадағы шекараның ұзындығы 800 шақырымды құрап отыр. Біз Новосібір облысының ғылымға қатысты жұмысының тамаша екендігін білеміз. Бізде барланған 139 пайдалы кен орны бар. Біз сондай-ақ медицина, денсаулық сақтау, өнеркәсіп, ауыл шаруашылығы саласында шекаралық ынтымақтасуға қуаныштымыз», деді Б.Бакауов, оның сөздері хабарламада келтірілген. Сонымен қатар форумның панельді сессиясында Павлодарды Ресейдің көрші аймақтарымен байланыстыратын әуе рейстерін ұйымдастыру ұсынылды.

Аймақ басшысының бірінші орынбасары Дүйсенбай Тұрғановтың айтуынша, Павлодар әуежайының өткізгіш қабілеттілігі жақсы, 5 мың жолаушы және 50 тонна жүк, сонымен қатар тәулігіне ол 40 әуе кемесін қабылдай алады.

"Қазір бізде Павлодардан Новосібір, Омбы, Барнаулға тікелей әуе қатынысы жоқ. Осы жерде біздің әуе компанияларына бірінші кезеңде пилоттық маршрутты енгізіп, оның қаншалықты тиімді екендігін байқап көруді ұсынамын», деді Д.Тұрғанов.

Оның айтуынша, қазіргі уақытта Павлодардан Мәскеуге әуе рейстері бар.

"Басында ол аптасына бір рет болатын, енді төрт рет болды, демек нақты іске көшу керек деген сөз», деді ол.


Айдарлар мұрағаты

Баспасөз орталығы



Error message here!

Show Error message here!

Close