Жаңартылды: 20.08.2018, 10:48 (АСТ)

31.08.2016

Павлодар облысының полициясына алпыстан астам су жаңа көліктің кілті табысталды


Павлодар. 31 тамыз ­ ИНТЕРФАКС-ҚАЗАҚСТАН -­ Павлодар облысының билігі полиция қызметіне 62 көлік сатып алу үшін жергілікті бюджеттен 245 млн теңгеге жуық қаржы бөлді, деп хабарлайды облыс əкімдігінің баспасөз қызметі.

"Бұл сыйлық Қазақстан тәуелсіздігінің 25 жылдығы қарсаңында жасалып отыр. Нəтижесінде жергілікті полицияны автокөлікпен қамту деңгейі 68 пайызға жетті", - делінген хабарламада.

Аймақ басшысы Болат Бақауовтың айтуынша, ішкі істер департаментін материалдық-техникалық жағынан қамтамасыз ету əкімдік алдында тұрған басты міндеттердің бірі.

Әкімнің сөзіне сүйенсек, соңғы үш жылда аталған мақсаттарға арнап облыс бюджетінен 2 млрд теңгеден астам қаржы бөлінген. 99 автокөлік, стационарлық "Автоураган" аппараттық-бағдарламалық кешені, ІІБ қызметкерлеріне арналған видеожетондар т.б. сатып алынды.

"Бүгін полицейлерге арнайы құралдармен және техникамен жабдықталған "Соболь" шағын автобустары мен "Skoda ­Rapid", "УАЗ" "Лада" көліктерінің кілті табысталды. Оқиға болған жерлерге баруға арналған микроавтобустар кезекші бөлімдерге беріледі. Қалған машиналар жергілікті полицияның қоғамдық тәртіп үшін жауап беретін бөлімдері арасында бөліске салынады", - деді Б.Бақауов.


Айдарлар мұрағаты

Баспасөз орталығы



Error message here!

Show Error message here!

Close