10.08.2016
Ақпараттық-насихат тобы Павлодар облысының диқандарына жер реформасының мəнін түсіндіріп жатыр
Павлодар. 10 тамыз. ИНТЕРФАКС-ҚАЗАҚСТАН - Мəжіліс депутаты Айгүл Нұркина бастаған ақпараттық-насихат тобы Павлодар облысындағы "Штрек" шаруа қожалығын аралады. Бұл ауданда ауыл шаруашылық техникасын жаңғыртуды ең алғашқылардың бірі болып қолға алған шаруашылық нысаны болып табылады. Бұл туралы облыстық Ішкі саясат басқармасы хабарлады.
Кездесуде қожалық басшысы Николай Штрек "мемлекеттің шаруа қожалықтарына барынша қолдау көрсетіп отырғанын" атап өтті. "Біз субсидия жəне лизинг пайдалану мүмкіндігіне ие болдық. Жаңа комбайндар сатып алдық", деді ол.
Айтуынша, 2005 жылы "CLASS" фирмасының комбайндары, ылғал үнемдеу технологиямен белсенді түрде пайдалануға мүмкіндік беретін "JOHN DEERE" егіс кешені сатып алынды. Сонымен қатар, өздігінен жүретін "Mac Don" ору машиналары алынды.
Фермермен кездесуде А.Нұркина "жер кодексі талаптарының қалың жұртшылыққа тəптіштеп түсіндірілуі керектігін" алға тартты.
"Қазір азаматтық қоғаммен тең құқылы, ашық диалог жүргізіп жатырмыз. Біздің басты міндетіміз елдегі тұрақтылық пен бірлікті сақтап қалу. Жер реформасы тəцелсіздікті нығайту, жеткен жетістіктерімізді еселеп көбейту қызмет етуі тиіс. Жер қадірін білетін, күтіп, оның байлығын арттыра алатын қожайынның қолында болуы тиіс. Жер реформасының мəні осында", - деді ол.
Сонымен қатар, депутат агроөнеркəсіп кешенін дамыту, жер кодексі жəне ауыл халқын несиелендіру мəселесіне қатысты сұрақтарға жауап берді.
Айдарлар мұрағаты
