02.08.2016

Павлодар облысында бірқатар жобаларды іске асыру үшін үкімет резервінен 4 млрд теңгеге жуық қаржы бөлінді

Павлодар. 2 тамыз.­ ҚАЗАҚСТАН ­- Павлодар облысында бірқатар жобаларды іске асыру үшін үкімет резервінен 3,7 млрд теңге қаржы бөлінді. Бұл туралы сейсенбі күні облыс əкімдігінің баспасөз қызметі хабарлады.

"Түскен қаржы бірқатар ірі жобаларды іске асыруға арналған. Мəселен, 1,2 млрд теңге Ақсу қаласындағы ықшам аудандарға инженерлік-коммуникациялық инфрақұрылымдар тартуға жұмсалмақ. Тағы 140 млн теңге Ақсуда салынып жатқан көп қабатты үйлердің төңірегін абаттандыруға жұмсалады. Кенжекөл ауылына су құбырларын тарту жұмыстарын жалғастыруға 376 млн теңге,973 млн теңге "Еңбекпен қамтудың жол картасы-2020" бағдарламасы бойынша тұрғын үй-коммуналдық шаруашылық нысандарын ағымдағы жөндеуге кетеді", - делінген хабарламада.­

Сонымен қатар, жуырда облыстың қажеттілігіне арнап тағы 600 млн теңгеден астам қаржы бөлінуі тиіс. Оның ­175 млн теңгесі "Еңбекпен қамтудың жол картасы-2020" бағдарламасы шеңберінде əлеуметтік нысандарды жөндеуге, Тағы 440 млн теңге Ленинский, Майқайың ауылдарына, Ақтоғай ауданындағы Жолболды ауылы мен Успенский ауылындағы Константинов ауылына су тартуға жұмсалады.

Айдарлар мұрағаты