01.08.2016

Павлодар және Оңтүстік Қазақстан облысының билігі ынтымақтастық меморандумына қол қойды

Павлодар. 1 тамыз. ИНТЕРФАКС-ҚАЗАҚСТАН – Павлодар облысының әкімі Болат Бақауов пен Оңтүстік Қазақстан облысы басшысы Бейбіт Атамқұлов бірқатар салалар бойынша ынтымақтастық орнату туралы меморандумға қол қойды. Бұл туралы Павлодар облысы әкімдігінің баспасөз қызметі хабарлады.

Аймақтар басшылары өнеркәсіп, кәсіпкерлік, сауда-саттық, ауыл шаруашылығы, денсаулық сақтау, ғылым тағы басқа салаларда ынтымақтастық орнатуға келісті.

«Облыстарымыздың өзара байланыс орнатуға әлеуеті жеткілікті деп ойлаймын. Біздің өңірде пайдалы қазба кеніштері, ауыл шаруашылығына жарамды бос жер телімдері бар. Көмір мен электр энергиясын зжеткізуге де мүмкіндік баршылық. Облысымыз Ресеймен, Сібір аймағымен шектесіп жатыр. Сібірдің рыногына шыққысы келетіндерге көлік-логистикалық мүмкіндіктер де бар», - деді Павлодар басшысы Болат Бақауов ОҚО басшыларымен және бизнес-қауымдастығы өкілдерімен болған кездесуде.

Сонымен қатар, Б.Бақауов павлодарлықтарды оңтүстіктік әріптестердің индустриалды аймақтар құру және басқару, ауыл шаруашылық өнімдерін өңдеу саласына инвестиция тартудағы тәжірибесі қызықтырып отырғанын алға тартты.

Айдарлар мұрағаты