27.07.2016

Биылғы жылдың бірінші жартысында Павлодар облысындағы өнеркəсіп өндірісі 0,2 пайыз өсті

Павлодар. 27 шілде. И­НТЕРФАКС-ҚАЗАҚСТАН - Биылғы жылдың бірінші жартысында Павлодар облысындағы өнеркəсіп өндірісі 0,2 пайыз өсіп, 625 млрд теңгенің өнімі өндірілді.

"Ресми деректерге сүйенсек, өндіріс көлемі біртіндеп артып келеді. Бұл республикалық көрсеткіштен 1,8% артық", - делінген хабарламада.

Сонымен қатар, облыста тұрғын үй құрылысы қарқыны да жанданып келеді. Биылғы қаңтар-маусым аралығында 73 мың текше метрден астам тұрғын үй пайдалануға берілді. Бұл 2015 жылдың дəл осы уақытымен салыстырғанда 1,7 есе көп. Жоспар бойынша жыл соңына дейін 160 мың шаршы метр тұрғын үй пайдалануға берілуі тиіс.

Соған қарамастан, облыстың Шербақты, Баянауыл аудандарында көрсеткіштердің төмендегені байқалады, делінген хабарламада.

Аймақ əкімі Болат Бақауов облыста мемлекет-жеке меншік серіктестік бағытындағы жұмыстардың нашар жүріп жатқанын атап өтті.

"Біз бұл мəселені үнемі талқылап отырамыз. Заңдардан, тəртіптемелердің ұзақтығынан көреміз. Бірақ мемлекет-жеке меншік серіктестігі тетіктенін ешкім мұқият зерделеп көрген жоқ. Кəсіпкерлерді осы мəселеден жан-жақты хабардар ету қажет. Алайда, МЖС жобаларының республика деңгейінде мойындалуы міндетті емес. Басты міндет - бюджетке түсетін салмақты жеңілдету", - деді облыс əкімі.

Бұған дейін хабарланғандай, 2016 жылдың қаңтар-маусымында аймақтағы өнеркəсіп өндірісі былтырғы жылдың осы уақытымен салыстырғанда 1,6% төмендеген болатын.

Айдарлар мұрағаты