Жаңартылды: 16.11.2018, 17:50 (АСТ)

26.07.2016

Павлодарда жұмыспен қамту жөніндегі мобильді қосымша іске қосылмақ


Павлодар. 26 шілде. ИНТЕРФАКС-ҚАЗАҚСТАН – Павлодарда жұмыспен қамту жөніндегі мобильді қосымша іске қосылмақ. Бұл туралы аймақ әкімінің баспасөз қызметі хабарлады.

Облыс басшысы Болат Бақауовтың қатысуымен өткен аймақтық кәсіпкерлік мәселелері жөніндегі үйлестіру кеңесінің кезекті отырысында осы және тағы алты жоба мақұлданды.

«Жобаны әзірлеушілердің жоспары бойынша, ұялы телефонға арналған қосымшаның көмегімен Павлодар рыногындағы барлық ұсыныстар мен қызметтерді бір базаға біріктіруге болады. Оған қоса, бағдарлама пайдаланушыға белгілі бір жұмыс орны немесе маман қажеттігі жайлы хабарлама жіберуге мүмкіндік береді», - делінген хабарламада.

ІТ-мамандар қосымшаны «Бизнестің жол картасы-2020» бизнесті дамыту және қолдау бағдарламасы шеңберінде қайтарымсыз негізде грант алғаннан кейін іске қоспақ. Гранттан үміткерлер арасында 89 кәсіпкер бар. Павлодар облысына 20 млн теңге бөлінген. Осыны ескере отырып, комиссия ең үздік деген 8 жобаны іріктеп алды. Олардың арасында ашытқысыз нан пісіру, киізден киім тігу, диодты шамдар шығару сынды тағы да басқа жобаларды атап өтуге болады. Әр жобаға 3 млн теңгеден беріледі.

Павлодар әкімі Б.Бақауов жобаларды аймақтық үйлестіру кеңесінің қарауына шығармас бұрын олардың шын мәнінде жұмыс істейтіне көз жеткізу қажеттігін атап өтті.

«Грант алуға ұсынылған жобаларды тексеру қажет. Жергілікті жерлердегі басшылар олардың алдағы уақытта жұмыс істейтініне кепілдік беруі тиіс. Жобаның болашақта тағдыры не болатынын біліп, ол жобалық қуатына жетпейінше қолдау көрсету қажет», - деді облыс басшысы.


Айдарлар мұрағаты

Баспасөз орталығы



Error message here!

Show Error message here!

Close