Жаңартылды: 28.03.2024, 17:20 (АСТ)

15.07.2016

Павлодарда мемлекеттік бағдарлама бойынша салынған үйге жүзден астам отбасы қоныстанды


Павлодар. 15 маусым. ИНТЕРФАКС-ҚАЗАҚСТАН – Павлодарда 105 отбасы "Аймақтарды 2020 жылға дейін дамыту" бағдарламасы бойынша салынған үйден 105 отбасы пәтер алды. Бұл жобаны іске асыру үшін бюджеттен 686 млн теңге бөлінді, деп хабарлады облыс әкімдігінің баспасөз қызметі.

"Жаңадан бой көтерген "Сарыарқа" ауданында қоныс тойын тойлағандар арасында 11 жетім бала да бар. Олар тұңғыш рет жеке баспанаға ие болып отыр. Пайдалануға берілген үйдің жалпы аумағы 8,6 мың шаршы метр", - делінген хабарламада.

Тұрғындарға пәтер кілттерін табыс еткен облыс басшысы Болат Бақауов бұл оқиғаның қала күні мерекесімен тұспа-тұс келіп отырғанын атап өтті.

"Қазір Павлодарда 15 мыңнан астам адам пәтер кезегінде тұр. Кезек санын қысқарту мақсатында алдағы жылдары облыс орталығына 22 үй салу көзделіп отыр. Оның 9-ы биылғы жылдың соңына дейін бой көтереді. Яғни, тағы 900 отбасы баспаналы болады деген сөз", - деді Б.Бақауов.

Қазіргі таңда "Сарыарқа" ықшам ауданында кешенді құрылыс жаұмыстары жалғасып жатыр. 2016 жыл соңына дейін 370 пәтерлік төрт үй пайдалануға берілмек.


Айдарлар мұрағаты

Баспасөз орталығы


Error message here!

Show Error message here!

Close