Жаңартылды: 28.03.2024, 17:20 (АСТ)

13.07.2016

Павлодар облысында Астана-Павлодар трассасындағы учаске пайдалануға ЭКСПО-2017 басталғанға дейін берілмек


Павлодар. 13 шілде. ИНТЕРФАКС-ҚАЗАҚСТАН – «Орталық-Шығыс» автобанының бір бөлігі болып табылатын Астана–Павлодар трассасындағы бір «тармақты» ЭКСПО-2017 басталғанға дейін пайдалануға беру көзделген, деп хабарлады сейсенбіде облыстық әкімшіліктің баспасөз қызметінен.

" ЭКСПО-2017» дейін жөнделуі көзделген жол- Қалқаман–Баянауыл–Үміткер. Бұл жобаны қайта құру жоспарына енгізу үшін техникалық-экономикалық негіздеме әзірленуде. Аталмыш учаске бойынша шешім жылдың соңына дейін қабылданады», делінген халықаралық көрмеге дайындық мәселелері жөніндегі жиын қорытындысы бойынша таралған баспасөз қызметінің хабарламасында.

Жиын барысында аймақ басшысы Болат Бакауов атап өткендей, халықаралық көрмеге дайындық барысында жолдарға ғана емес, жол бойындағы сервиске де зейін қою керек.

Оның айтуынша, ЭКСПО-2017 туристік маршруттарындағы кафелер мен қонақ үйлер ретке келтірілуі шарт.

"Облысымыздың бүкіл мұражайларын аудиогидтермен қамтамасыз етуіміз керек. Соңғы кезде біздің тарихи-өлкелік мұражайда бірнеше рет болдым, олардың жұмыстарына қатысты сұрақтарым бар», деді Б.Бакауов.

Сонымен қатар ЭКСПО-2017 аймақтық маршруттарында туристік көрсеткіштер,үш тілде ақпарат, көрме туралы ақпарат, ұйымдастырылған аялдамалар мен биодәретханалар туралы ақпарат берілуге тиіс.

Халықаралық мамандандырылған ЭКСПО көрмесі Астанада 2017 жылы 10-маусым мен 10 қыркүйек аралығында өтпек. Оған жүзден аса ел қатыспақ, тұтас алғанда көрмеге 2 млн аса адам келмек.


Айдарлар мұрағаты

Баспасөз орталығы


Error message here!

Show Error message here!

Close