Жаңартылды: 21.02.2018, 07:12 (АСТ)

07.07.2016

Павлодар облысының әкімі аймақта мал қорымдарын салу бағдарламасын дайындауды тапсырды


Павлодар. 7 шілде. ИНТЕРФАКС-ҚАЗАҚСТАН – Павлодар облысының әкімі Болат Бакауов ветеринарлық-санитарлық қауіпсіздікті қамтамасыз ету жөніндегі жиын барысында аймақта орналасқан барлық мал қорымдарын бақылауға алуды тапсырды, деп хабарланған әкімнің баспасөз қызметінің хабарламасында.

Жиын барысында аймақтық ветеринария жетекшісі Нұрлан Әутәліпов атап өткендей, облыста 322 мал қорымы бар,оның 28 үлгі бойынша салынғандар, ал 294 қарабайыр, олардың басым бөлігінің не иесі, не қоршауы және маңдайшалары жоқ.

"294 қарабайыр мал қорымының балансқа алынғаны 102", деп атап өтті Н.Әутәліпов.

Б.Бакауов болса басқармалардың жұмысын сынға алып, қалалар мен аудандарда иесі жоқ мал қорымдары болмауға тиіс, деп мәлімдеді.

"Медициналық дәрігер адам емдесе, ветеринарлық дәрігер адамзатты емдейді. Қандай да болмасын бір ауру өршісе, барып карантин қоятын сіздер. Онда Павлодар облысынан ет пен сүт сату үрдістерінің бәрі де тоқтайды», деп еске салып өтті әкім баяндамашыға.

Әкім атап өткендей, мал қорымдарына, ветеринарлық пункттерге қаржы бөлу ветеринарлардың негіздемелеріне байланысты. Осы орайда ол мал қорымдары мен ветпункттерді салу жөніндегі үш жылдық бағдарламаны әзірлеуді тапсырды.


Айдарлар мұрағаты

Баспасөз орталығы



Error message here!

Show Error message here!

Close