Жаңартылды: 22.02.2018, 07:50 (АСТ)

22.06.2016

Павлодар облысында 2016 жылдың соңына дейін индустрияландыру картасы шеңберінде тағы 4 жоба іске қосылмақ


Павлодар. 22 маусым. ИНТЕРФАКС-ҚАЗАҚСТАН - Павлодар облысында 2016 жылдың соңына дейін индустрияландыру картасы шеңберінде тағы 4 жоба іске қосылады, деп хабарлады облыстың индустриалды-инновациялық даму басқармасының жетекшісі Әлішер Әбдіқадыров сейсенбіде баспасөз мәслихатында.

"Агрохимпрогресс" ЖШС-нің агрохимиялық өндірісін, "R.W.S. Wheelset" (Р.В.С. Вилсет) ЖШС-нің теміржол остері мен дөңгелек жұптарын құрастыру өндірісі зауытын іске қосу көзделген.Сонымен қатар "Агромир" ЖШС-де және "ЗЖБИ ТемірТас Павлодар" ЖШС-де құрама темірбетон мен бетон конструкциялары өндірісін жаңалау көзделген.

Ә.Әбдіқадыровтың деректеріне қарағанда, биыл жалпы сомасы 21,8 млрд теңгенің жоспарланған жеті жобасының ішінде үшеуі іске қосылған.

Екібастұзда "GreenhouseKZ" ЖШС-нің жылыжай кешені пайдалануға берілген, онда жылына 10 млн дана раушан гүлі өсірілмек. Инвестициялардың мөлшері 3,2 млрд теңгені құрады.

Павлодарда "Павлодар жылыжай комбинаты" іске қосылды, оның жобалық қуаттылығы жылына 1600 тонна қызанақ, инвестициялардың көлемі -1,8 млрд теңге.

Май ауданында "Директ" ЖШС-нің көмірді байыту қондырғысы салынған, инвестицияларының көлемі - 0,8 млрд теңге, жобалық қуаттылығы –жылына 300 мың тонна көмір.

Ә.Әбдіқадыровтың ақпаратына қарағанда, 2017-2019 жылдарға 15 жоба көзделген, инвестицияларының мөлшері шамамен 780 млрд теңге.

Мемлекеттік индустриалды-инновациялық бағдарламасы шеңберінде 2015-2019 жылдары Павлодар облысында 32 жоба орындалуда, инвестициялардың мөлшері 1,2 трлн теңге, шамамен 7 мың жұмыс орны ашылады.

Павлодар облысы халқының саны 740 мың адамнан асады.


Айдарлар мұрағаты

Error message here!

Show Error message here!

Close