08.06.2016

Павлодар облысының әкімі аймақта тұрып қалған нысандарды бизнеске өткізіп беруге тапсырма берді

Павлодар. 8 маусым. ИНТЕРФАКС-ҚАЗАҚСТАН – Павлодар облысына мемлекеттік-жеке меншік әріптестіктің үлгі боларлық мысалдары керек, тек сол кезде ғана кәсіпкерлер мемлекеттік-жеке меншік әріптестіктік шеңберіндегі жобаларға қаржыларын құятын болады, деп санайды аймақ әкімі Болат Бакауов.

Аймақта мемлекеттік-жеке меншік әріптестік жобаларын жүзеге асыру мәселесі сейсенбіде облыс әкімшілігінде аппарат жиыны барысында талқыланды.

Облыстың экономика және бюджеттік жоспарлау басқармасының бастығы Талғат Шәріпов атап өткендей, бүгінгі күнде төрт жобаның тұжырымдамасын әзірлеу бойынша келісімшарттар жасалған. Мәселен, білім беру саласында Кенжекөл селосында құны 569,6 млн теңге тұратын 140 орынға арналған бала-бақшаны салу және пайдалануға беру көзделген. Екібастұз қаласының 50 жылдығы скверін жаңалауды көздеуші жоба да бар. Ал тұрғын- үй коммуналды шаруашылық саласында Ақсуда көшедегі жарықты жаңалау жөніндегі жобаға қатысты жұмыс жүргізілуде.

Сонымен қатар мемлекеттік органдар ұсынған мемлекеттік-жеке меншік әріптестік жобаларымен қатар облыстық басқармаларға жеке меншік қаржылық бастама көтеріп отырған кәсіпкерлерден ұсыныстар түсуде. Мәселен "ЭлектроТрансРеелто" ЖШС Павлодар облысы аумағында құрамында сынап бар қалдықтарды демеркуризациялау жобасын ұсынды.

"Кенжекөл және Павлодар селоларындағы дәрігерлік екі амбулаторияны, Екібастұз қаласындағы N1 емхананы сеніп басқаруға өткізу көзделген», деді Т.Шәріпов. – Жобаларды жүзеге асыру барысында күрделі және ағымдағы жөндеу жұмыстары жүргізіледі, медициналық жабдықтар сатып алынады. Бұл мақсат үшін жалпы алғанда 167,3 млн теңге мемлекет тарапынан өтелмек. Сонымен қатар жеке әріптеске тегін медициналық қызметтің белгілі бір көлемінің берілетіндігіне мемлекет тарапынан кепілдік етілмек.

Дегенмен әкім аймақта бюджет жүктемесін азайтуға мүмкіндік беретін мемлекеттік-жеке меншік әріптестік жобалары бар ма, деген сауалына жауап ала алмады.

"Железинский ауданының Михайловка селосында көп жылдан бері агротехникалық колледж тұрып қалды, ол бюджет есебінен күзетіледі», деді Б.Бакауов. – Ешкім де 20 гектар жері, коммуникациялары бар бұл кәсіпорынды жұмыс істету үшін төмен бағаға болса да кәсіпкерлерге бере алмайды. «Аймақта тұрып қалған нысандарды бизнеске өткізу керек», деді әкім.

Жиында облыстың өнеркәсіптік кәсіпорындарының табиғатты қорғау шаралары талқыланды. Облыстық жер қойнауын пайдалану, қоршаған орта және су ресурстары басқармасы өкілдерінің айтуынша, Риддер тау-кен байыту комбинатынан апат қалдықтарының Үлбіге ағызылуынан кейін сәйкесті қызметтер күнделікті Ертіс суын бақылауға алып отыр.

"Қазгидрометтің" лабораториялық бақылауларына қарағанда, Ертіс суының беткі бөлігінің қатты ластануы жағдайлары тіркелмеген.

Айдарлар мұрағаты