Жаңартылды: 21.05.2018, 17:57 (АСТ)

31.05.2016

Павлодар облысында көлдердің ластануы жергілікті туризмнің дамуына кедергі келтіріп отыр – аймақ басшысы


Павлодар. 31 мамыр. ИНТЕРФАКС-ҚАЗАҚСТАН – Табиғат нысандарын аралап шыққан Павлодар облысының әкімі Болат Бакауов туристік аймақты дамыту жұмыстарын сынға алды.

«Әдетте, туристер Торайғыр, Жасыбай, Сабындыкөлге қызығушылық танытады. Баянауыл ұлттық табиғи саябағы аумағында орналасқан бұл көлдердің экологиялық жағдайы тым нашар», деді ол. Бұл туралы дүйсенбі күні облыс басшысының баспасөз қызметі хабарлады.

Айтуынша, көл ластанып, жазда фитопланктон көбейетіндіктен, судың беті «гүлдеп» кетеді. Ал, жағалауы болса тұрмыстық қалдықтарға толып жатады.

Оның үстіне көлдердің жағалауындағы елдімекендерде тазалау құрылғылары жоқ, сол себепті қалдықтар селмен, жаңбыр суымен ағып, су қоймаларына қосылады.

Ұлттық саябақ өкілдерінің айтуынша, бұрын Торайғыр көліне су жер астындағы 10-12 бұлақтан келетін. Қазір соның біреуі ғана қалған. Қалғанын балшықпен бітеліп қалған. Салдарынан Торайғыр су қоймасындағы су азайып, ластанып кетті».

Мамандардың пікірінше, көлдерді биологиялық жолмен тазарту үшін балық пен шаянды көбірек жіберу керек.

Аймақ басшысы алдымен көлдердің жағдайын тексеріп, сараптап шығу керектігін атап өтті.

Осы жерде әкім Жасыбай туристік аймағының жағдайына да тоқталып өтті.

«Бұл аудан имиджін қалыптастыратын аймақ. Өкінішке орай, ол жерлер ластанып біткен, шағын бизнес бытыраңқы орналасқан, заманауи инфрақұрылым жоқ. Мәселені шешу үшін жұмыс тобын құрып, тәртіп орнату қажет, жалға берушілер мен жергілікті полицияға қойылатын талаптарды пысықтау керек. Жасыбай – Баянауылдағы, жалпы, облыстағы көрнекі орындардың бірі. Биылғы жылы туристік аймақ жаңа үлгіде жұмыс істеуі тиіс», деді Б.Бақауов.

Сонымен қатар, әкім туристерді көптеп тарту үшін Торайғыр ауылындағы ескерткіш-стеланы жөндеп, билборд орнатуды ұсынды.

«Облыстық бюджеттен қашан ақша бөлінеді деп қарап отырудың қажеті жоқ. Торайғыр көлінің қасында рұқсатсыз салынған үйлерді ұлттық саябақтың қарамағына өткізу керек. Туризмді дамытқанда ұлттық дәстүрлерімізді ұмытпайық. Келген қонақтарға қымыз беріп, олардың атпен серуендеуіне жағдай жасау керек», деді әкім.


Айдарлар мұрағаты

Error message here!

Show Error message here!

Close