Жаңартылды: 23.02.2018, 17:51 (АСТ)

31.05.2016

Павлодар облысында маса мен шіркей шектен тыс көбейіп кетті


Павлодар. 31 мамыр. ИНТЕРФАКС-ҚАЗАҚСТАН – Павлодар облысының әкімі Болат Бақауов қарамағындағыларға елді мекендерді қаптап кеткен шыбьын-шіркей проблемасын ерекше бақылауға алып, онымен тәулік бойы күресуді тапсырды. Бұл туралы сейсенбі күні облыс басшысының баспасөз қызметі хабарлады.

«Қазір қала тұрғындары саяжайларына бара алмай отыр. Ата-аналар балаларын бала-бақшаға апара алмай, жол қызметкерлері маса мен шірккейге арналған арнайы киім киюге мәжбүр. Бұлай болатын болса ауыл шаруашылығы да зардап шегеді», - деді Б.Бақауов әкімдікте өткен кеңесте.

Әкімнің шыбын-шіркейді улау үшін қандай дәрі қолданылады және ол қаншалықты қымбаттады деген сұрағына облыстық Энергетика және тұрғын үй-коммуналдық шаруашылық басқармасы басшысы жауап бере алмады. Аймақ басшысы оған сөгіс жариялады.

Биология ғылымдарының докторы Қанат Ахметовтің пікірінше, маса мен шыбын-шіркейге қарсы зарарсыздандыру шараларын жүргізу жөніндегі тендерді жеңіп алған компания ғалымдардың пікіріне құлақ аспаған. Себебі, шыбын-шіркей дернәсілдерін улайтын уақыт пен улайтын жерлер болады, дейді ғалым.

Сонымен қатар, ғалымдардың есебі бойынша Ертісті шыбын-шіркейге қарсы өңдеудің екінші кезеңінде суға 16 мың литр дәрі құйылуы тиіс болатын. Алайда, мердігерлер 8700 литр ғана дәрі тастаған көрінеді.

«Ертістің жартысы ғана зарарсыздандырылды деген сөз», дейді ғалым.

Аймақ басшысы «мердігер ұйымның жұмысын бақылап, қатаң тексеру жүргізу қажеттігін» атап өтті.

«Тендерді жеңіп алған мердігер ұйым өз міндетіне салғырт қарайтын болса оларға тиісті шара қолданылуы тиіс. Сондай-ақ, бұл жұмыстарды ғылыми жағынан сүйемелдеп отырған қарағандылық компанияның тәжірибесін, мамандарының деңгейін тексеру керек», - деді Б.Бақауов.


Айдарлар мұрағаты

Баспасөз орталығы



Error message here!

Show Error message here!

Close