Жаңартылды: 23.10.2018, 16:12 (АСТ)

25.05.2016

ОАОЭК Павлодар облысындағы әлеуметтік жобаларға 2,2 млрд теңге бөледі


Павлодар. 25 мамыр. ИНТЕРФАКС-ҚАЗАҚСТАН – "Орталық Азия отын-энергетикалық компаниясы" АҚ Павлодар облысындағы бірқатар әлеуметтік жобаларды жүзеге асыруға 2,2 млрд теңге бөлетін болды.

Сейсенбі күні Павлодар облысы әкімі Болат бақауов пен ОАОЭК директорлар кеңесі мүшесі Еркін Әмірханов тиісті меморандумға қол қойды, деп хабарлайды ймақ басшысының баспасөз қызметі.

Хабарламаға сүйенсек, компания бизнестің әлеуметтік жауапкершілігі шеңберінде Павлодарда қос әлеуметтік нысан салуға қаржы бөледі. Оның бірі – жалпы аумағы 9692 шаршы метрлік көп қабатты тұрғын үй болса, екіншісі 200 адамдық студенттер жатақханасы.

Павлодар облысының әкімдігі аталған нысандарды салуға арналған жер телімдерін бөлу жағынан және құжаттарды рәсімдеуге көмектеседі.

"Орталық Азия отын-энергетикалық компаниясы" АҚ Қазақстандағы көп салалық холдинг болып табылады. Компания "Каустик" АҚ, "Эксимбанк Қазақстан" АҚ, "Астана-Инвест" инвестиция үйі" АҚ акцияларының қожайыны.


Айдарлар мұрағаты

Баспасөз орталығы



Error message here!

Show Error message here!

Close