25.04.2016

"Молдова темір жолы" компаниясы Павлодар облысы кәсіпорындарының өніміне қызығушылық танытуда

Павлодар. 25 сәуір. ИНТЕРФАКС-ҚАЗАҚСТАН – "Молдова темір жолы" мемлекеттік кәсіпорны Павлодар облысында теміржол өнімдерін шығаратын өндірушілермен ынтымақтасу мүмкіндіктерін қарастырып отыр, деп хабарлады облыс әкімшілігінің баспасөз қызметінен.

"Молдова темір жолы" компаниясының делегациясы Екібастұзда "Қазақстандық вагон құрастырушы компания" ЖШС мен "Проммашкомплектіде" болды.

"Павлодар аймағында молдова темір жолын қайта құруға қажетті нәрсенің бәрі шығарылуда. Бізде жолдарды пайдалана бастағанымызға 145 жылдан асты, жолдар тым нашарлап кеткен. Тепловоздарды, басқа да машиналарды пайдалану мерзімі өткен, оларды пайдаланғанымызға 30-40 жыл болды. Қазір Еуропа көмек беріп отыр, қаржылық қолдау көрсетуде. Біз жолдарды жөндеу мен тепловоз сатып алуға тендер өткізудеміз, кез-келген компания қатыса алады", деді "Молдова темір жолының" бас директоры Юрий Топал.

Молдова теміржолының өкілдері Астанада "Локомотив құрастыру зауыты" АҚ мен "Тұлпар Тальго" ЖШС жұмысымен танысты, "Қазақстан темір жолы" филиалы – "Көліктегі технологиялар орталығында" болды, деді ҚТЖ баспасөз қызметінен.

Молдовалық жақ қазақстандық теміржол кәсіпорындарының өнімін сатып алуға қызығушылық танытып отыр, делінген онда.

Айдарлар мұрағаты