Жаңартылды: 17.08.2018, 17:34 (АСТ)

19.04.2016

Павлодар облысында 3,6 млрд теңге сомасына екі мыңдай нысан заңдастырылды


*** Жекешелендіруден бюджетке 45 млн теңге түсті

Павлодар. 19 сәуір. ИНТЕРФАКС-ҚАЗАҚСТАН - Павлодар облысында 1986 нысан заңдастырылды, жалпы сомасы 3,6 млрд теңге, деп хабарлады сейсенбіде Павлодарда баспасөз мәслихатында Болат Бакауов.

"Жалпы облыс бойынша алғанда жылжымайтын мүліктің 2344 нысанын заңдастыруға 1090 арыз түскен, жобаланған сомасы 4,4 млрд теңге", деді Б.Бакауов.

Ақшалай қаржыны заңдастыру үшін субъектілер 847 млн теңге сомаға 12 ағымдағы есеп-шот ашты.

Заңдастырудан өткен жылжымайтын мүлікке құқық алуға мемлекеттік тіркеуден өтуге 1462 арыз түскен. Оның ішінде тіркеуден 1451 нысан өткен.

Сонымен қатар 2016 жылдың 1-ші тоқсанының нәтижелері бойынша облыс бюджетінің кірісіне коммуналды меншікті жекешелендіруден 45 млн теңге түскен.

"Облыста 2016-2020 жылдарға арналған кешенді жоспарды жүзеге асыру шеңберінде коммуналды меншіктен және "Павлодар" әлеуметтік кәсіпкерлік корпорациясынан бәсекелестік ортаға берілетін нысандардың тізімі бекітілген", деді облыс басшысы.

Баспасөз мәслихатында Б.Бакауов атап өткендей, бюджет жүктемесін азайтудың тағы бір механизмі- мемлекеттік-жекеменшіктік әріптестікті дамыту болмақ.

"Біз өзіміз үшін басымдық салаларды белгілеп алдық, ол әлеуметтік қорғау мен тұрғын үй коммуналды шаруашылық, өйткені жыл сайын бюджет ақшасының бірталай бөлігі осы салаларға жұмсалып отыр", деді ол.

Облыста осы бағытта орындалған жобалар бар.

"Мәселен өткен жылы жеке инвесторларға сеніп басқаруға екі бассейнді беру есебінен Павлодарда 80 млн теңге бюджет қаржысы үнемделді. Қазіргі уақытта 26 әлуетті жоба бойынша ұсыныстар қаралып жатыр", деді аймақ басшысы.

Бірінші кезеңде 8 жоба іріктелген, экономикалық сараптама алу жөніндегі жұмыстар жүргізілуде. Оның ішінде 5 жоба денсаулық сақтау саласы бойынша.

Оның айтуынша, облыста 81 жекеменшік медициналық ұйым бар (Павлодарда 57, Екібастұзда 17,Ақсуда 6, облыс аудандарында 1). Оның ішінде 17 ұйым медициналық қызмет көрсетуге мемлекеттік тапсырыс алғандар.


Айдарлар мұрағаты

Баспасөз орталығы



Error message here!

Show Error message here!

Close