03.11.2015
Павлодар. 3 қараша. ИНТЕРФАКС-ҚАЗАҚСТАН – Биылғы жылдың соңына дейін Павлодар облысында негізгі капиталға құйылатын инвестициялар көлемі 360-370 млрд теңге деңгейінде болмақ, деп хабарлады Павлодар облыстық индустриалды-инновациялық даму басқармасының жетекшісі Әлішер Әбдіқадыров.
2014 жылы негізгі капиталға құйылған инвестициялар 353,1 млрд теңгені құрады.
Сонымен, 2015 жылы өсім 4,8% болады деп көзделген.
Ә.Әбдіқадыровтың айтуынша, биылғы жылы салалар бойынша алғанда аймақта негізгі капиталға құйылған инвестициялардың басым бөлігі өңдеуші өнеркәсіпке тиесілі (163,2 млрд теңге – 56%) және электрмен қамсыздандыру (55,7 млрд теңге – 19%).
Өңдеу өнеркәсібі құрылымында инвестициялардың басым бөлігі металлургия өнеркәсібіне тиесілі (114,2 млрд теңге - 70%).
Өнеркәсіпті дамытуға жұмсалатын инвестициялардың көбеюінің қосымша көзі ретінде"СибИнвестГруп» холдингісінің автомобильдері үшін алюминий дискілерін шығаратын зауыт салу жобасы мен Павлодар облысының "Tenir-Logistic" ЖШС аумағында химия –металлургия кешенін салу жобасы болмақ.
Аталған жобалардың инвестицияларының жалпы мөлшері шамамен 500 млн долларды құрайды.
Павлодар облысының халқы 470 мың адамнан асады.