12.11.2015

2017 жылы «Павлодар» арнайы экономикалық аумағында құны шамамен 10 млн доллар мотор майлары өндірісін іске қосу көзделген

Павлодар.12 қараша. ИНТЕРФАКС-ҚАЗАҚСТАН – Ресейлік "EvooilKazakhstan" компаниясы ЖШС 2017 жылы «Павлодар» арнайы экономикалық аумағында құны шамамен 10 млн доллар мотор майлары өндірісін іске қосуды көздеп отыр, деп хабарлады «Павлодар» арнайы экономикалық аумағы» басқарушы компания» АҚ басқармасының төрағасы Марат Қынатов.

"Ресейлік компанияның моторлы майлар рыногында жұмыс істегеніне бес жыл болды. Биыл компания ниет туралы келісімге қол қойып, арнайы экономикалық аумағының қатысушысы болды», деп атап өтті М.Қынатов Павлодарда баспасөз мәслихатында.

Алдында бұл өнім толығымен Ресейден импортталатын. М.Қынатов атап өткендей, кәсіпорынды іске қосу мерзімдері ағымдағы экономикалық жағдайды және маркетинг зерттеулерінің нәтижелерін ескере отырып өзгертілуі ықтимал.

Оның айтуынша, жылдың соңына дейін «Павлодар» арнайы экономикалық аумағында сондай-ақ агрохимиялық өнім шығару өндірісін іске қосу көзделген. Жобаның құны - 3,276 млрд теңге, өндірісі көлемі жылына 11 мың тонна өнім болмақ.

«Павлодар» арнайы экономикалық аумағы 2011 жылы қараша айында құрылған. Арнайы экономикалық аумақ қаланың солтүстік өнеркәсіп бөлігінде орналасқан және 3300 гектар жерді алып жатыр.

Айдарлар мұрағаты