Жаңартылды: 28.05.2018, 09:10 (АСТ)

07.10.2015

ERG Павлодар облысында 1 млрд доллардың инвестициялық жобаларын жүзеге асырмақ


Астана.7 қазан. ИНТЕРФАКС-ҚАЗАҚСТАН - Eurasian Resources Group (ERG, Еуразиялық топ) "Ертіс Инвест-2015" форумында Павлодар облысының әкімшілігімен арада қазақстандық-қытайлық үкіметаралық келісімдер шеңберінде құны 1 млрд доллар инвестициялық жобаларды жүзеге асыру мақсатында ынтымақтастық туралы меморандумға қол қойды, деп хабарлады ERG баспасөз қызметінен.

Алдында хабарланғандай, Пекинде Қазақстан президенті Нұрсұлтан Назарбаевтың Қытайға ресми сапары шеңберінде Қытай мемлекеттік Даму банкі мен ERG арасында келісімге қол қойылған болатын.

"Бұл қаржылық институттан 15 жылға жобалық қаржыландыру үшін ақша алынған жағдайда Еуразиялық топ қазақстандық электролиз зауытының үшінші кезегін сала алады, оның өнімділігі жылына 140 мың тонна бастауыш алюминий болмақ, оның алюминий құймалары өндірісіне арналған құятын бөлімі болады және Ақсу қаласында өзіндік қуатты пайдалана отырып электр энергиясының қосымша өндірісін құруға мүмкіндік туады», делінген ERG хабарламасында.

Оның ішінде Ақсу электр станциясының N7 және N8 энергоблоктары қайта құрылмақ. Соның нәтижесінде электролиз зауытының салынып жатқан үшінші кезегін қосымша қуаттылықпен қамтамасыз етуге жол ашылады.

Қазақстан электролиз зауытының үшінші кезегін салу жобасының стратегиялық мақсаттары- өнім өндірісін арттыру, өзіндік құны төмен өндірістің бәсекелестік артықшылықтарын пайдалану. Сонымен қатар, Павлодар облысында 1500 жұмыс орнының ашылуы көзделген, делінген хабарламада.

Сондай-ақ инвестициялық форумда Еуразиялық топ пен "УПНК-ПВ" ЖШС арасында ынтымақтастық туралы меморандумға қол қойылған. Мұнай коксын қыздыруға арналған қондырғы пайдалануға берілген соң "УПНК-ПВ" ЖШС "ҚЭЗ"АҚ-ның стратегиялық әріптестері санатына өтеді. "ҚЭЗ" АҚ мұнай коксын анодтар өндірісі үшін пайдаланады, анод өндірісі толық қуаттылықпен жұмыс істей бастаған соң кәсіпорынның мұнай коксына деген қажеттілігі жылына 100 мың тоннаға дейін артты.

2013 жылы желтоқсанда Eurasian Resources Group ENRC-ті сатып алу жөніндегі мәмілені аяқтады, ол боксит, темір, хром, марганец, мыс рудасы, көмір және алюминий, ферроқорытпа, мыс өндірісімен айналысады.

Еуразиялық топ Қазақстан аумағында бірқатар өндірістік активтерді басқарады, оның ішінде Қазхром, Соколов Сарыбай кен байыту комбинаты, Қазақстан алюминийі, Қазақстан электролиз зауыты (ҚЭЗ), Еуразиялық энергетикалық корпорация (ЕЭК), Шұбаркөл Көмір және ENRC Logistics бар.

"ҚЭЗ" АҚ бастапқы алюминий өндіретін жалғыз отандық өндіруші.

Бүгінгі күнде "ҚЭЗ" АҚ өнімінің тоқсан пайызын сыртқы рыноктарға жөнелтіп отыр.Қазақстандық алюминийдің аса ірі тұтынушылары Ресей Федерациясы, Украина, Белоруссия және Өзбекстанның зауыттары болып табылады.


Айдарлар мұрағаты

Баспасөз орталығы



Error message here!

Show Error message here!

Close