Жаңартылды: 17.08.2018, 17:34 (АСТ)

07.10.2015

Павлодар облысының инвестициялық әлуеті "Ертіс Инвест - 2015" форумында ойдағыдай көрсетілді


Павлодар.7 қазан. ИНТЕРФАКС-ҚАЗАҚСТАН - Павлодарда сәрсенбіде "Ертіс Инвест - 2015" халықаралық форумы жұмысын бастады, деп хабарлады Павлодар облысы әкімінің баспасөз қызметінен.

Инвестициялық форум Павлодар облысының мүмкіндіктерін, артықшылықтарын және облыстың инвестициялық әлуетін көрсетуге арналған.

Форумға орталық және жергілікті мемлекеттік органдардың, даму институттарының, ұлттық компаниялардың, жүйені құраушы кәсіпорындардың өкілдері, РФ шекаралас аймақтарының ресми өкілдері, шетелдік дипломатиялық өкілдіктер, шетелдік банктер және компаниялар шақырылды. Форумның модераторы Еурокомиссияның Қазақстандағы өкілі Пьер Ив Люка. Форум жұмысына инвестициялар және даму министрі Әсет Исекешев қатысуда.

"Павлодар облысының басшылығы аймақтың инвестициялық тартымдылығын арттыра түсу үшін белсенді жұмыс істеуде, оның ішінде бизнесті инфрақұрылымдық қолдаудың бағдарламасы дамытылып, жетілдіріліп отыр, дәлдеп айтқанда, технопарктер, "Павлодар"арнайы экономикалық аймағы, "Start up" академиясы және Экологиялық технологиялар жөніндегі біліктілік орталығы бар», делінген хабарламада.

Биыл Павлодар облысының әкімшілігі облысты 2030 жылға дейін дамыту стратегиясын қабылдады. Басты үш стратегиялық басымдық белгіленді: өнімділігі жоғары орындар, дарынды жастар, экологиялық орталық.

Баспасөз қызметінің ақпаратына қарағанда, "Ертіс Инвест - 2014" халықаралық инвестициялық форумы аясында өткен жылы қазан айында инвесторларға 124 жоба ұсынылған. 38,8 млрд теңге сомаға құжаттарға қол қойылды.

Бүгінгі күнде аймақта бірқатар жобалар бойынша 6,6 млрд теңге соманың келісімдері орындалды. Мәселен, Павлодар облысының әкімшілігі мен «Даму» кәсіпкерлікті дамыту қоры арасында 200 млн теңге сомаға шағын және орта бизнестің субъектілерін қаржыландыру туралы жоба жүзеге асырылды.

Павлодар облысының әкімшілігі мен "ҚазАгро" мемлекеттік холдингі арасындағы меморандум шеңберінде облыста агро-өнеркәсіптік кешеннің 25,1 млрд теңге сомаға жобаларын қаржыландыру бойынша 3,3 млрд теңге игерілді. "ҚазАгроФинанс" АҚ 1,1 млрд теңге соманың екі жобасын мақұлдады. 2,2 млрд теңге сомасындағы бір жоба қаралып жатыр.

Инновациялық Еуразиялық университет (Павлодар) пен Климаттың өзгеруінің алдын-алу жөніндегі жоба USAID (АҚШ) арасында инвестициялық келісім жүзеге асырылды, онда Павлодар аймағында 5 млн теңге соманы құрайтын энергоменеджмент пен энергоаудит жүйесін енгізу көзделген болатын.

Павлодар облысы, Павлодар қаласы әкімшіліктері, трамвай басқармасы, "Павлодар" әлеуметтік кәсіпкерлік корпорациясы, Еуропалық қайта құру және даму банкі арасындағы трамвай паркінің жылжымалы құрамын қаржыландыру және жаңалау жөніндегі келісімнің 4,22 млрд теңге сомасындағы бірі бөлігі орындалды. 2,46 млрд теңге сомаға жобаны қаржыландыру туралы Еуропалық қайта құру және даму банкімен арада несиелік келісімшарт жасалды. Қазіргі уақытта жылжымалы құрамдарды әлуетті тасымалдаушылардың баға ұсыныстары қаралып жатыр. 2016 жылы 1-ші тоқсанда конкурстық процедуралар өткізу жөніндегі шаралар жүргізілмек.

"Агро" ЖШС мен "Брацлав" ЖШС украиналық компания арасында 150 млн теңге сомаға металл конструкцияларды өндіру жөніндегі бірлескен кәсіпорын ашу туралы келісім орындалды. Қол қойылған келісімдердің нәтижесінде "Брацлав KZ" бірлескен кәсіпорны құрылды.

"Аслан" ЖШС мен ауыл шаруашылық басқармасы арасында 365 млн теңге сомаға сыйымдылығы 24 мың тонна элеватор салу жөніндегі келісімнің орындалуы жалғасуда. Элеватор салу жөнінде түрік компаниясымен арада келісімшартқа қол қойылған.

"Қазақстандық инновациялық металлэнергетикалық компания" ЖШС мен ауыл шаруашылық басқармасымен арада 100 млн теңге сомаға дисперсті су құюшы машиналарды және МТФ үшін жабдық шығару туралы келісім жүзеге асырылуда.


Айдарлар мұрағаты

Баспасөз орталығы



Error message here!

Show Error message here!

Close