Жаңартылды: 25.05.2018, 17:51 (АСТ)

08.10.2015

Павлодардағы инвестициялық форумда жалпы көлемі 1,875 млрд доллар болатын ондаған келісімге қол қойылды


Павлодар. 8 қазан. ИНТЕРФАКС-ҚАЗАҚСТАН – Павлодардағы инвестициялық форумда жалпы көлемі 1,875 млрд доллар болатын келісімдерге қол қойылды, деп хабарлайды облыс әкімдігінің баспасөз қызметі.

Хабарламаға сүйенсек, өткен жылы 38,8 млрд теңгелік келісім бекітілген. Соның ішінде жалпы сомасы 6,6 млрд теңгелік келісім бойынша жобалар іске асырылды.

Форум шеңберінде 17 құжатқа ол қойылды. Оның ішінде 12 меморандум, 3 келісім мен 2 контракт бар. Қол қойылған құжаттардың арасында Павлодар облысы әкімдігі, «СибИнвестГруп» компаниялары тобы және немістің Euro-Energie-Maschinen GMBH компаниясы арасында бекітілген ынтымақтастық жөніндегі келісім де бар. Келісім Павлодар облысы аумағында автокөліктерге алюминий диск шығаратын зауыт салу жөніндегі инвестициялық жобаны іске асыруға негізделген.

Павлодар облысы әкімдігі мен «Қазақстан алюминийі» АҚ арасында бекітілген меморандум алюминий балқытпалары өндірісіне арналған электролиз өндірісін дамытып, энергетикалық блоктарды қайта қалпына келтіруді көздейді. «Аталған инвестициялық жобалар іске асырылған жағдайда жылына 140 мың тонна алюминий өндіріп, Ақсу қаласындағы энергоблоктарды қайта қалпына келтіруге мүмкіндік туады», - делінген хабарламада.

Павлодар облысы әкімдігі, «Tenir-Logistic» ЖШС және қытайлық China Machinery Engineering Corporation арасында бекітілген меморандумның мақсаты өңірде химия-металлургия кешенін салу жөніндегі инвестициялық жобаны іске асыру. Меморандум негізінде титан диоксиді мен арнайы шойын өндірісі жобасы іске асырылмақ.

Ал, «Қазақстан алюминийі» АҚ мен ВТБ арасында сату келісімшартының индиктивтік шарттары туралы келісім бекітілді.

Павлодар облысының әкімдігі мен «Қазгеология» ұлттық геологиялық барлау компаниясы» АҚ арасындағы меморандум бойынша облыс аумағында геологиялық барлау жұмыстарын жүргізуге бағытталған.

«Қазақстан электролиз зауыты» АҚ мен ВТБ банкі арасында сатып алу туралы келісімнің индуктивтік шарттары туралы келісім бекітілді.

«Қазақстан электролиз зауыты» АҚ мен «УПНК ПВ» ЖШС бекіткен меморандум шеңберінде қыздырылған мұнай коксын алюминий өндірісіне жеткізіп беру көзделген.

Швейцарияның «Relart SA» компаниясы мен «Railcast Systems» ЖШС арасында бекітілген ынтымақтастық меморандумы Павлодар облысында темір жол саласына арналған машиналар жасау кластерін дамытуға бағытталған.

«R.W.S. Weelset» ЖШС мен ресейлік «РейлИнвестМенеджмент» ЖАҚ арасындағы өзара түсіністік меморандумы Қазақстанның темір жол паркін ірі вагон құймасымен қамтамасыз ету» жобасын іске асыруға мүмкіндік береді», - делінген хабарламада.

Павлодар облысы әкімдігі мен ресейлік «ҚазЭкспо» ААҚ облыс аумағында астық кластерін дамыту жөнінде келісім бекітті. Аталған меморандум Уәлиханов және Ертіс элеваторларын қайта қалпына келтіріп, астық, дәнді және жемдік дақылдар өсіретін қосымша алқаптарды игеруге, құрама жем зауытын салу жөніндегі жобаны іске асыруға мүмкіндік береді.

Француздың Lactalis компаниясы мен «Киров» ЖШС арасындағы ынтымақтастық меморандумы Павлодар облысы аумағында сүт өнімдері кластерін дамытуды көздейді. Келісімшарт бойынша, «Киров» ЖШС 1 мың бас ірі қара өсірілетін сүт-тауар фермасы қайта қалпына келтірілуі тиіс.

«Speсtrum Invest» ЖШС мен «Дәнекер» ҰШ» арасындағы келісімшарт Павлодар облысында өсімдік шаруашылығын дамытуға, суарылатын алқаптар көлемін 1200 гектарға жеткізіп, көкөніс сақтау қоймасын салуға мүмкіндік бермек.

Павлодар облысының әкімдігі, ГФР-ның Су және қалдық менеджменті жөніндегі ғылыми-зерттеу институты мен «Экологиялық технологиялар жөніндегі құзырет орталығы» корпоративтік қоры бекіткен меморандум облысты 2030 жылға дейін дамытудың негізгі бағыттарына қатысты іс-шараларды іске асырады.

Еуразия Инновациялық университеті мен Siemens компаниясы арасында жалпы құны 10 мың еуроны құрайтын аппаратты-бағдарламалық кешенді қайтарымсыз негізде жеткізіп беру туралы келісім бекітілді.

С.Торайғыров атындағы ПМУ мен «Инновациялық технологиялар паркі» дербес кластерлік қоры өзара түсіністік меморандумын бекітті.

Павлодар облысында жастар кәсіпкерлігін дамыту жөніндегі келісімге С.Торайғыров атындағы ПМУ мен «Даму» КДҚ» АҚ қол қойды.

Сонымен қатар, Қазақстанның ұлттық кәсіпкерлер палатасы мен С.Торайғыров атындағы Павлодар мемлекеттік университеті ынтымақтастық жөнінде меморандум бекітті.


Айдарлар мұрағаты

Баспасөз орталығы



Error message here!

Show Error message here!

Close