07.09.2015

Павлодарлық диқандар еліміз аймақтарына ауыл шаруашылық өнімдерін жеткізу туралы келісім бекітті

Павлодар. 7-қыркүйек. ИНТЕРФАКС-ҚАЗАҚСТАН – Павлодарда «Павлодар картобы-2015» аймақтық жәрмеңкесі барысында Астана, Алматы, Атырау мен Ақтөбеге жалпы құны 875 млн теңге болатын 25,1 мың тонна картоп жеткізу туралы 12 келісім бекітілді. Бұл туралы облыс әкімдігінің баспасөз қызметі хабарлады.

«Жәрмеңкенің басты мақсаты – павлодарлық брендке айналған өнімді таныстыру, жаңа серіктестер тауып, картопты көтере жеткізу туралы келісімдер бекіту», - дейді Павлодар облысының әкімі Қанат Бозымбаев, делінген хабарламада.

Павлодарлық фермерлердің өнімдеріне Ресейдің Омбы, Түмен сынды өңірлері де қызығушылық білдіріп отыр.

Әкімдік мәліметінше, биылғы жылы Павлодар облысының диқандары 400 мың тоннадан астам картоп алады. Бұл өткен жылғыдан 34 пайызға немесе 180 мың тонна артық. Алынған картоптың 100 мың тоннаға жуығы аймақтық тұрақтандыру қорына салынса, қалғаны сатылады, делінген хабарламада.

Айдарлар мұрағаты