01.09.2015

Омбыда қазақ тілін оқыту орталығы ашылды

Павлодар. 1 қыркүйек. ИНТЕРФАКС-ҚАЗАҚСТАН – Омбыда Павлодар облысының әкімі Қанат Бозымбаевтың өтініші бойынша қазақ тілі мен мәдениетін оқыту орталығы ашылды.

"Сонымен Омбы облысыныңгубернаторы Виктор Назаров өткен жылы шекаралас екі аймақ басшыларының кездесуінде Павлодар облысының әкіміне берген уәдесінде тұрды», деп хабарлады сейсенбіде облыс әкімінің баспасөз хатшысы Асқар Жалдинов.

Орталық Омбы мектептерінің бірінің базасында ашылды. Онда кружоктар мен факультативтер ұйымдастырылады, оған орта білім беретін мектептің оқушылары , оқуға ынта білдіруші 5-16 жас аралығындағы барлық балалар бара алады.

Кружоктар тілді үйренушілердің жас ерекшеліктерін ескере отырып құрылған. Мәселен, "Бастау алу" кружогы 1-4 сынып оқушыларына арналған, қазақ мәдениетін танып білу кружогы "Шежіре" деп аталады, ол 1-11 сынып оқушыларына арналған. 5-9 сынып оқушылары үшін "Қазақ тілі. Грамматика. Күрделіні қарапайым тілмен түсіндіру" деп аталатын факультатив өткізу көзделген.

Алдында хабарланғандай, өткен жылы қыркүйек айында Омбыда көрші екі аймақтың басшыларының кездесуі өткен, сол кезде Қ.Бозымбаев омбылық қазақтарға қазақ тілін оқып үйренуге және қазақ халқының дәстүрлерімен жақынырақ танысуға көмек көрсету бастамасын көтерген болатын.

Омбы облысының аумағында қазақ ұлтының жүз мыңнан аса өкілі тұрады.

Айдарлар мұрағаты