11.08.2015

Қазақстан электролиз зауыты жылдың басынан бері Түркияға 50 мың тоннадан аса алюминий экспорттады

Павлодар.11 тамыз. ИНТЕРФАКС-ҚАЗАҚСТАН – Қазақстан электролиз зауыты АҚ (КЭЗ, Eurasian Resources Group құрамында) биыл Түркияға бастапқы алюминийді тасымалдай бастады, деп хабарлады "Интерфакс-Қазақстанға" Павлодар облысы индустриалды-инновациялық даму басқармасы жетекшісінің орынбасары Әнуар Мұқышев.

"Жылдың басынан бері Түркияға шамамен 50 мың тонна алюминий жөнелтілді.Бұдан кейінгі сұраныс түрік рыногына байланысты болмақ», деді ол.

2014 жылы зауыт 200 мың тонна бастапқы алюминий шығарды, 2015 жылдың соңына дейін шамамен 220 мың тонна шығару көзделген (өсім 10%).

"КЭЗ" АҚ бастапқы алюминийдің жалғыз отандық өндірушісі.

Бүгінгі күнде "КЭЗ" АҚ өз өнімінің 90 пайыздан астамын сыртқы рыноктарға жібереді. Қазақстандық алюминийдің аса ірі тұтынушыларының қатарында Ресей Федерациясының, Украина, Белоруссия және Өзбекстанның зауыттары.

Eurasian Resources Group 2013 жылы желтоқсанда ENRC сатып алу жөніндегі мәмілені аяқтады, ол боксит, темір, хром, марганец, мыс рудасын, көмір өндірумен және алюминий, ферроқорытпа,мыс өндірісімен айналысады. Еуразиялық топ Қазақстан аумағындағы өндірістік активтерді басқарады, оның ішінде: Қазхром, Жәйрем тау кен байыту комбинаты, Соколов-Сарыбай тау кен байыту өндірістік бірлестігі, Қазақстан алюминийі, Қазақстан электролиз зауыты, Еуразиялық энергетикалық корпорациясы (ЕЭК), Шұбаркөл Көмір және ENRC Logistics бар.

Айдарлар мұрағаты