28.05.2015

Павлодар облысында 2015 жылы "Агробизнес-2020" мемлекеттік бағдарламасын жүзеге асыру үшін шамамен 7 млрд теңге жұмсалатын болады

Павлодар. 28 мамыр. ИНТЕРФАКС-ҚАЗАҚСТАН – Павлодар облысында 2015 жылы "Агробизнес-2020" мемлекеттік бағдарламасын жүзеге асыру үшін 6,982 млрд теңге бөлінді, деп хабарлады Павлодар облысы әкімшілігінің баспасөз қызметінен.

Онда атап өтілгендей, қаржыландыру өткен жылғы деңгейде сақталған.

Ол қаржының ішінде республикалық бюджеттің қаржысы 1,522 млрд теңгені, облыстікі – 5,460 млрд теңгені құрап отыр.Ақшаны облыста басталып кеткен бірқатар бағдарламалар үшін жұмсау жоспарланған, деп атап өтілген ақпаратта.

Егіс алаңдарын одан әрі түрлендіруді жалғастыру көзделген, ол үшін басымдық дақылдарға арналған егіс алаңдары 50 мың гектарға дейін арттырылмақ, айналымға жаңадан суарылатын 5,5 мың гектар жерді пайдалануға енгізу көзделген.

Ресей мен Австралиядан асыл тұқымды ірі қара малдың импортын алу жалғастырылмақ, бүгінгі күнге қарағанда аймақта 1,747 мың ірі қара мал алуға өтініш түскен.

Сондай-ақ «Сыбаға» бағдарламасы бойынша саулық мал сатып алу қарастырылған, оның ішінде ірі қара малдан - 6,9 мың бас, «Алтын асық» бағдарламасы бойынша 15 мың қой, «Құлан» бағдарламасы бойынша 2 мың жылқы алу көзделген.

Айдарлар мұрағаты