15.05.2015

Павлодар облысының 300-ден аса селосы 2020 жылға дейін орталықтандырылған сумен қамтамасыз етіледі

Павлодар. 14 мамыр. ИНТЕРФАКС-ҚАЗАҚСТАН –Павлодар облысында 2020 жылға дейін 300-ден аса село орталықтандырылған сумен қамтамасыз етіледі, деп хабарлады облыстық жер қойнауын пайдалану, қоршаған орта және су ресурстары басқармасынан.

"Халықты сапалы ауыз сумен қамтамасыз ету жөніндегі аймақтық жоспарға орай 2020 жылға дейін жалпы саны 253 мың адамды құрайтын 407 село орталықтандырылған сумен қамтамасыз етіледі», делінген бейсенбіде басқармадан таралған ақпаратта.

2020  жылға дейін сумен қамсыздандырудың жаңадан 230 нысанын салу көзделген, делінген онда.

2015 пен 2017 жылдар аралығында селоларды сумен қамтамасыз ету көрсеткіші 39% арттырылады, 2018-2020 жылдар аралығында 76% дейін.

Басқараманың ақпаратына қарағанда, бүгінге күнге қарағанда аймақтың 407 селосының орталықтандырылған сумен қамтамасыз етілгені 79 немесе 19,4%.

Облыста қолданыстағы 317 жылжылмалы сорғыш станция жергілікті көздердің суын пайдаланады. Оның ішінде 81-і кешенді блок-модульдердің тазаланған суын пайдаланады, 11-і сырттан тасымалданатын суды пайдаланады.

"Халықты ауыз сумен қамтамасыз ету үшін жер асты суларының әлуетін барынша пайдалану мақсатында жергілікті жер асты тұшы суларының орындары зерттелуде, өйткені ол анағұрлым қорғалған сенімді ауыз су көзі болып табылады», делінген хабарламада.

Биыл республикалық бюджеттен Ақсу қаласының Ертіс және Жолқұдық селоларында екі су құбырының салынуын аяқтау үшін 735,5 млн теңге сомасында трансферт бөлу көзделген, бұл сапалы ауыз сумен 9 мыңнан аса адамды қамтамамсыз етуге мүмкіндік бермек.

Басқарманың ақпаратына қарағанда, 2016 – 2018 жылдар үшін аймақта селоларды сумен қамтамасыз ету саласы бойынша 42 жоба ұсынылған, оның жалпы сомасы 26,9 млрд теңгені құрап отыр.

Айдарлар мұрағаты