14.04.2015

Павлодар облысында 2014 жылы жалпы аймақтық өнім көлемінде шағын және орта бизнестің үлесі 29% дейін артты

Павлодар.14 сәуір. ИНТЕРФАКС-ҚАЗАҚСТАН – Павлодар облысында жалпы аймақтық өнім көлемінде шағын және орта бизнестің үлесі 2014 жылы 29% дейін артты, 2013 жылғы көрсеткіш 24,5% болатын, деп хабарлады Павлодар облысының әкімі Қанат Бозымбаев кәсіпкерлердің аймақтық кеңесі отырысында.

"Қазір шағын және орта бизнес саласында 130 мың адам жұмыс істеп отыр, бұл облыстың экономикалық белсенді халқының 30%. Бір жылдың ішінде шағын және орта бизнесте жұмыс істеп жатқандар саны 10 мың адамға артты”, деп атап өтті Қ.Бозымбаев.

“Бизнестің жол картасы” мемлекеттік бағдарламасы жүзеге асырыла бастаған кезден бері аймақта шағын және орта бизнес субъектілерін қолдау үшін 90 млрд теңге жұмсалды, 668 жоба іске асты. Оның ішінде 2014 жылы – 152 жоба, жалпы сомасы 14,3 млрд теңге. Ағымдағы жылдың 1-ші тоқсанында аймақтық үйлестіруші кеңес жалпы сомасы 1,7 млрд теңгенің 43 жобасын мақұлдады”.

Павлодар облысының басшысы атап өткендей, аймақтағы шағын және орта бизнес үшін басты проблема ретінде ресейлік рубльдің төмен бағамы саналады, рубль бағамының төмендеуі көптеген кәсіпорындардың жұмысына ықпал еткен. Оның ішінде Қ.Бозымбаев құбыр өнімдері рыногындағы баға демпингін атап өтті. Оның айтуынша, өнімді кепілдікпен сатып алу механизмдерін әзірлеу керек.

Әкім атап өткендей, Еуразиялық экономикалық одақ жергілікті өндірушілерден өнім өткізудің жаңа рыноктарын іздеуді және жаңа шарттарға орай бәсекелестікке дайын болуды талап етіп отыр.

"Осы орайда мұнда кәсіпкерлер палатасына үлкен роль берілуде. Біздің бірлескен міндетіміз, кәсіпкерлік белсенділікті жандандыру, кәсіпорындарға жаңа өндірістер ашуға мүмкіндіктер беру. Өткен жылы облыс аумағында шағын және орта бизнес субъектілері бірқатар жаңа өндірістер ашқан болатын, олар облыс экономикасына үлестерін қоса бастады”, деп атап өтті әкім.

Айдарлар мұрағаты