12.12.2014

Павлодарда көліктерге арналған халыққа қызмет көрсету орталығы ашылды

Павлодар. 12 желтоқсан. ИНТЕРФАКС-ҚАЗАҚСТАН – Павлордарда арнайы халыққа қызмет көрсеті орталығы ашылды.

«Бір терезе» режімінде жүргізуші куәлігін беретін және көлік құралын тіркейтін Халыққа қызмет көрсету орталығының ашылуына облыс әкімі Қанат Бозымбаев қатысты, делінген облыстық әкімдіктің баспасөз қызметі таратқан хабарламада.

«Бизнес үрдістерді автоматтандыру, мемлекеттік органдардың ақпараттық жүйелері мен деректер қорын біріктіру нәтижесінде арнайы Халыққа қызмет көрсету орталығында бір-екі сағат ішінде автокөлікті тіркеуге болады, ал жүргізуші куәлігін алуға, теориялық және практикалық емтиханнан сәтті өткен жағдайда орташа алғанда екі сағаттай уақыт кетеді», делінген хабарламада.

Сонымен қатар, Халыққа қызмет көрсету аумағында жеті көлік агрегатын бір мезетте тексеретін және жол қауіпсіздігі ережелерін меңгергендігін тексеруге арналған емтихан өткізілетін ангар салынған. Бұл үшін тестілеу сыныбы жабдықталған және арнайы датчикпен және бейнебақылау камераларымен жабдықтадған автоматтандырылған автодром салынған.

Мұнымен қоса, клиенттердің қолайлылығы үшін нарколог және психиатр кабинеттері ашылған. Келесі жылы ғимаратта «жүргізушілік комиссия» орналасады. Онда дәрігерлік анықтама да алуға болады.

Павлодарлық арнайы Халыққа қызмет көрсету орталығы республикада саны жағынан алтыншысы болып отыр. Қарағанды, Ақтау, Тараз, Астана және Алматы тұрғындары осындай мекеменің ыңғайлылығына баға беріп үлгерді.

Айдарлар мұрағаты