21.11.2014

Желтоқсан айында ПМХЗ белгіленген мұнай өңдеу көлемін сақтап қалады – аймақ басшысы

Астана. 21-қараша. ИНТЕРФАКС-ҚАЗАҚСТАН – Павлодар мұнай-химия зауыты желтоқсан айында белгіленген мөлшерде, яғни 520 мың тоннаға жуық мұнай өңдемек. Бұл туралы жұма күні ОКҚ өткен брифингте Павлодар облысының әкімі Қанат Бозымбаев мәлім етті.

Оның айтуынша, кәсіпорын басшылары желтоқсан айында өңделген мұнай көлемі 550 мың тоннаға жетуі мүмкін деген болжам жасап отырған көрінеді. «Біз мұнайдың барынша көбірек өңделуін қамтамасыз ету үшін Энергетика министрлігімен жұмыс істейміз. Өйткені, біз үшін рынокқа әртүрлі модификациядағы бензинді көбірек шығару үшін физикалық көлем индексі қажет», - деп атап өтті Қ.Бозымбаев.

«Жағдай аймақ билігінің жіті бақылауында» деп сендірді ол.

Бұған дейін хабарланғандай, 25-қазан күні ПМХЗ-да технологиялық пештен өрт шыққан болатын. Бұл ПМХЗ мұнай өңдеу көлемін едәуір қысқартуға түрткі болды. Алайда, 17-қарашада аталған пеш қайтадан іске қосылды, деп хабарлайды «ҚазМұнайГазщ» компаниясының еншілесі.

Айдарлар мұрағаты