31.10.2014

ЕҚДБ Павлодардағы трамвай паркін жаңғыртуға 3 млрд теңге несие береді

Павлодар. 31-қазан. ИНТЕРФАКС-ҚАЗАҚСТАН – Еуропаның қайта құру жне даму банкі «Павлодар қаласының трамвай басқармасы» АҚ жаңғыртуға 2,73 млрд теңге несие береді және қосымша 290 млн теңге көлемінде грант бөледі. Бұл туралы «Интерфакс-Қазақстан» агенттігіне кәсіпорынның баспасөз қызметі хабарлады.

Осы жөніндегі келісімге тараптар Павлодарда өткен инвестициялық форумда қол қойды.

Кредит 13 жыл мерзімге беріледі. Бастапқы үш жылда несие өтеуге жеңілдік жасалады. Ал, грант қайтарымсыз негізде берілмек.

Банктен алынған қаражат трамвай паркін жаңғыртуға жұмсалады. Дәлірек айтсақ, оған электр қуатын үнемдейтін 25 трамвай сатып алынуы тиіс. Сонымен қатар, трамвайға арналған инфрақұрылымдар қайта қалпына келтірілмек.

Айдарлар мұрағаты