23.10.2014

Қаңтар-қыркүйекте Павлодар облысының жалпы аймақтық өнімі 7,6% өсті

Павлодар.23 қазан. ИНТЕРФАКС-ҚАЗАҚСТАН – 2014 жылы қаңтар-қыркүйекте Павлодар облысының жалпы аймақтық өнімі 707,6 млрд теңгені құрады, бұл өткен жылдың осы кездегі мерзімімен салыстырғанда 7,6% артық, деп хабарлады аймақ әкімшілігінде өткен жиналыс қорытындысы бойынша облыс әкімінің баспасөз қызметінен.

9 айдың ішінде облыстың кәсіпорындары 788,8 млрд теңгенің тауарын өндірген. Облыста индустрияландыру картасының 8 жобасы іске асырылуда, ондағы жалпы инвестиция көлемі 37,2 млрд теңге.

9 айдың ішінде негізгі капиталға 204,4 млрд теңге инвестиция тартылды, бұл өткен жылдың деңгейіне қарағанда 114,1%.

Жиын нәтижелері бойынша облыс әкімі Қанат Бозымбаев қала және аудан әкімдеріне, жергілікті атқарушы органдардың жетекшілеріне экономиканың өнеркәсіптік емес секторын дамытуға мән бөлуді тапсырды.

"Келесі жылы металл бағасы өседі не электр энергияның өндірісі өседі, деп бізге ешкім кепілдік бере алмайды. Сол себепті қазір, өнеркәсіптік өндіріс қарқынын лайықты деңгейден түсірместен, экономиканың өнеркәсіптік емес секторын дамытуға мән бөлуіміз қажет. Кәсіпкерлікті дамытуға жағдай туғызуымыз керек", деді Қ.Бозымбаев.

Айдарлар мұрағаты