20.10.2014

Павлодар облысының кәсіпорындары Ресей рыногын игере бастады

Павлодар. 20-қазан. ИНТЕРФАКС-ҚАЗАҚСТАН – Павлодар облысының кәсіпорындары Ресей рыногын игере бастады. «СҮТ» АҚ Ресейдің 12 өлкесіне сүт өнімдерін, «SMAK-PV» ЖШС мұздатылған жартылай фабрикаттарын жөнелтті, деп хабарлайды облыс әкімдігінің баспасөз қызметі.

Жұма күні облыс басшысы Қанат Бозымбаев жергілікті кәсіпорындардың ахуалымен және даму келешегімен танысып, технологиялық процестерді көзбен көріп қайтты. Сонымен қатар, әкім өңірде өндіріліп жатқан өнімдерге баға берді.

Кәсіпкерлер болса облыс басшысына туындаған проблемалар жайлы айтып берді. Жергілікті іскерлер энергия көздері мен жанар-жағармай бағасының шарықтауына алаңдаушылық білдіріп отыр. Олар әкімнен квота беру арқылы шикізат жеткізуге қолдау көрсетуді сұрады. Қ.Бозымбаев «облыс әкімдігі тарапынан жан-жақты қолдау жасалып жатқанын» алға тартты, делінген хабарламада.

«СҮТ» АҚ 2013 жылдан бері өндірісті жаңғырту процесі жүріп жатыр. 2013 жылы 158 млн теңге, 2014 жылы 151 млн теңге инвестицияланды. Мұнда тәулігіне 200 тонна сүт өңделеді. Кәсіпорын өнімдері Қазақстан мен Ресей нарығына шығарылады.

«SMAK-PV» ЖШС мұздатылған жартылай фабрикаттар шығарады. Кәсіпорынның қуаты жылына 7200 тонна өнім өндіруге жеткілікті.

Биылғы жылдың қаңтар-шілде айлары аралығында Павлодар облысы Ресей рыногына 1 809,9 мың доллардың өнімін экспорттадыОбъем экспорта продовольственных товаров Павлодарской области в.

Айдарлар мұрағаты