17.10.2014

Павлодарда келер көктемде қаңғыған жануарлар паналайтын орын ашылады

Павлодар. 17 қазан. ИНТЕРФАКС-ҚАЗАҚСТАН –  Павлодарда 2015 жылдың көктемінде қаңғыбас жануарларға арнап пана салынбақ. Бұл туралы облыс әкімі Қанат Бозымбаев мәлімдеді.

Аймақ басшысы «Павлодар жүрегі» қоғамдық бірлестігінің өкілдерін жеке қабылдау кезінде осындай уәде берді, дейді «Интерфакс-Қазақстан» агенттігінің тілшісі.

«Негізгі жүктемені мойнымызға аламыз, яғни билік сіздерге демеушілер іздеуге көмектеседі, жер бөлеміз, осы секілді жоба жасаймыз. Жануарларға пана болатын орын үйлерден қашықта болуы тиіс және санитарлық-эпидемиялық нормалар сақталуы керек», - дейді әкім.

Қ.Бозымбаев Павлодар облысы әкімі алдына қоғамдық бірлестікке 49 жылға беру мүмкіндігімен жер телімін қарастыру туралы тапсырма берді.

Бірінші орынды таңдаудан бастау керек. Біздің міндетіміз қазір қаражат жинау. Мәселен, оны салатын мердігерге. Ал материалдарды осы құрылыс компанисынан демеушілік көмек ретінде бөлуді сұраймыз. Ақша да демеушілерден болмақ. Бірақ, меніңше, бұған бейжай қарамайтын адамдар керек», - дейді аймақ басшысы.

Қыс ішінде барлық мәселелерді дайындап, контейнерлер сатып алып, оларды жабдықтау қажет. Көктем келісімен бәрін қоршауға алып, инфрақұрылымды қолға аламыз, дейді Қ.Бозымбаев.

Айдарлар мұрағаты