01.10.2014

Жұмыс тобы «Павлодар» арнайы экономикалық аймағы аумағында жаңадан химиялық реагенттер шығару мүмкіндіктерін қарастырады

Павлодар. 1-қазан. ИНТЕРФАКС-ҚАЗАҚСТАН – Немістің «САС Chemieanlagenbau Chemnitz GmbH» компаниясы «Павлодар» еркін экономикалық аймағы аумағында жаңа химиялық өндіріс орнын ашу туралы жобасымен таныстырды.

Облыс әкімі баспасөз қызметінің хабарлауынша, компания полиалюминий хлориді мен кальций хлоридін өндіру жобасын ұсынып отыр. Германия жағының мәліметіне сүйенсек, Қазақстанда ауыз суды тазартуға және қыста көктайғаққа қарсы жолға себілетін химиялық реагенттерге қарағанда аталған реагенттердің адам ағзасы үшін зияны аздау.

Аталған жобаларды нақтырақ зерттеу мақсатында «Павлодар» ЕЭА аумағында химиялық кластерді дамыту жөніндегі жұмыс тобын құру туралы шешім қабылданды. Оған «Қазатомөндіріс» ұлттық атом компаниясы» АҚ, Павлодар облысының әкімдігі, «Павлодар» ЕЭА басқару компаниясы» АҚ мен мемлекеттік органдар өкілдері қатысады, делінген хабарламада.

Жұмыс тобы жобаны жүзеге асыру, сату рыногы мен адам ағзасына әсері тұрғысынан зерттеуі тиіс.

Айдарлар мұрағаты