25.09.2014

2014 жылы Павлодар облысының ішкі аймақтық өнімі 3% артуы ықтимал

Павлодар. 25 қыркүйек. ИНТЕРФАКС-ҚАЗАҚСТАН –Павлодар облысында ішкі аймақтық өнім 2014 жылы 3% дейін, 1,819 трлн теңгеге артуы ықтимал, деп хабарлады облыстың экономика және бюджеттік жоспарлау басқармасының бастығы Талғат Шәріпов бейсенбіде аумақ әкімшілігінің кеңейтілген отырысында.

2015 жылы ішкі аймақтық өнім 1,883 трлн теңге көлемінде жоспарлануда немесе 2014 жылдың бағалауымен өсім 3,5%. 2015-2019 жылдары орташа жылдық өсім қарқыны 103,7% құрайды, деді Т.Шәріпов 2015-2019 жылдарға арналған облыстың әлеуметтік-экономикалық даму болжамдарының негізгі көрсеткіштері талқыланған отырыста.

2014 жылы өнеркәсіптік өндірістің физикалық көлем индексі 100,2% деңгейінде болмақ. 2015 жылы ол көрсеткіш Бозшакөл кен байыту комбинатының қосылуына орай 104,5% деңгейінде болады деп болжануда.

2015 жылы селолық шаруашылықтың физикалық көлем индексі 103,7% деңгейінде болмақ.

Оң динамика негізгі капиталға инвестиция құю есебінен артады деп күтілуде.

Индустрияландырудың екінші бесжылдығы аясында облыста 23 жобаны орындау үшін 1,067 трлн теңге инвестиция тарту көзделген, онда кәсіпорындардың өз қаржысы – 853,5 млрд теңге және қарыз ақша – 212,2 млрд теңге, деді Т.Шәріпов.

Облыстық бюджетке 2015 жылы 87 млрд теңге, 2016 жылы - 93,4 млрд теңге, 2017 жылы – 101 млрд теңге түседі деп көзделген.

Айдарлар мұрағаты