11.09.2014
Шекаралас жатқан Павлодар мен Омск облысының кәсіпкерлері 3,2 млрд теңгеге ынтымақтастық туралы меморандум бекітті
Павлодар. 11 қыркүйек. ИНТЕРФАКС-ҚАЗАҚСТАН - Павлодар облысы делегациясының РФ Омск облысына сапары барысында екі шекаралас аймақ кәсіпкерлері 3,2 млрд теңгеден астам сомаға меморандум бекітті. Бұл туралы облыс әкімінің баспасөз қызметі мәлімдеді.
«Ірі жобалардың бірі Омскіде жаңа технопарк салу. Онда павлодарлықтар өз өнімдерін ұсына алады. Бұл логистикалық орталық құны шамамен 150 млн $. -Сонымен қатар, кездесу нәтижесінде екі аймақ арасындағы кеме қатынас жолдарының мәселесі түйінін тапты. Осы мәселені Омск облысының губернаторы үкіметтік деңгейде көтеруге уәде берді», - делінген баспасөз қызметінің хабарламасында.
Омск облысы сыртқы экономикалық қызметті дамытуда негізгі әріптес болып табылады. Бүгінгі кездесу аймақтар арасындағы әлеуметтік-экономикалық қатынастарды әрі қарай дамытуға қосылған нақты үлес болмақ.
Бізді озық технологиялар, электр құралдары, жүк көтергіш қондырғылар, жоғары сұрыпты астық дақылдары қызықтырады, Омск тұрғындарына біз кабель, көмір, ет-сүт өнімдерін ұсына аламыз. Әлеуетті экономикалық, сауда қатынастарын дамытудан өзге мәдени-білім, ғылым, спорттық байланыс, дарынды балалармен жұмыс тәжірибесін үйретуді дамытудың маңызы зор», - деп Павлодар облысының әкімі Қанат Бозымбаев
Омск облысының губернаторы Виктор Назаров екі көрші ел аймақтарының экономикалық қана емес, әлеуметтік саладағы ықпалдастығы мен ынтымақтастығының ерекше маңызды екенін атап көрсетті. «Осы бағытта алға жылжу керек, ал осы сапар бұған ықпал ететін болады», - дейді ол.
Баспасөз қызметінің мәліметі бойынша, Қазақстан Омск облысының негізгі және экономикалық әріптестерінің бірі болып табылады. Аймақтар арасындағы сауда айналымы жыл сайын артуда, 2013 жылдың қорытындысы бойынша ол 405 млн $-ды құрады.
2013 жылы қазақстандық инвесторлар Омск облысының экономикасына 49 млн $ астам инвестиция түсімін қамтамасыз етті. Омск облысында 150-ден астам ресей-қазақ кәсіпорны жұмыс істейді.
Айдарлар мұрағаты
