10.09.2014

Павлодар облысында Майқапшағай-Омбы автожолының учаскілерін қайта құру үшін 20 млрд дерлік теңге бөлінді

Павлодар.10 қыркүйек. ИНТЕРФАКС-ҚАЗАҚСТАН – Биыл республикалық мәні бар Майқапшағай-Омбы автожолының екі учаскесін қайта құру үшін республикалық бюджеттен 19,9 млрд теңге бөлінді.

"Бұл жол халықаралық транзиттік дәліз болып табылады, ол Ресей Федерациясының үш аймағын және Қазақстанның екі облысын қосып отыр, халықаралық, аймақаралық, облысаралық көлік байланысын қамтамасыз етеді. Павлодар облысы бойынша республикалық мәні бар Майқапшағай-Омбы автожолының жалпы ұзындығы 385 шақырым", делінген сәрсенбіде облыстық әкімшіліктен таралған ақпаратта.

Биыл жалпы ұзындығы 25 шақырым Черноярка селосы – Павлодар жолында бүкіл жол жөндеу жұмыстарын аяқтап, нысанды қараша айында пайдалануға беру көзделген. Бұл жолдың бойында демалыс орындары, эстакадалар, беседкалар және "Антивандал" аялдамалары орнатылған. Учаскені қайта құру үшін 7,7 млрд теңге бөлініпті.

Байқоныс селосы – Черноярка селосы жолының ұзындығы 59 шақырым, ол 3-ші санаттан 2-ші санатқа ауыстырылады, айналмалы жолда жайғастыру жұмыстары жүргізілуде, жолдың төменгі қабатына дейінгі жабындысы жасалуда, бұл учаскені қайта құру үшін 12,2 млрд теңге бөлінген.

Жолды қайта құру барысын қарау нәтижелері бойынша облыс әкімі Қанат Бозымбаев "Қазавтожол" АҚ облыстық филиалының басшысына қызметкерлерге одан әрі жұмыс тауып беруді ұсынды.

"Нысанда жергілікті компаниялар, жол салатын жұмысшылар көп. Жоба аяқталған соң бұл компанияларды облыстық мәні бар жолдарды жөндеуге қатыстыру керек, өйткені олар білікті тәжірибе жинақтады, олар облыста қалуы керек, деді Қ.Бозымбаев, оның сөздері хабарламада келтірілген.

Айдарлар мұрағаты