09.09.2014

"Қарасор КБК" 2015 жылы балшықтан кірпіш өндіретін зауытты іске қоспақ

Павлодар. 9 қыркүйек. ИНТЕРФАКС-ҚАЗАҚСТАН - Құм мен балшық өндіруге мамандандырылған «Қарасор кен байыту комбинаты» ЖШС кірпіш өндірісін қолға алады. Бұл туралы облыс әкімінің баспасөз қызметі мәлімдеді.

Жоба 2013 жылдан бастап жүзеге асырыла бастады. Зауыт 2015 жылы пайдалануға берілмек. Құрылысқа салынған жалпы инвестиция көлемі 107,5 млн теңгені құрайды. Оның 97,8 млн теңгесі – «Бизнестің жол картасы 2020» мемлекеттік бағдарламасы шеңберінде алынған несие қаржысы.

Павлодар облысының әкімі Қанат Бозымбаев аймақты аралау барысында зауыт құрылысының барысымен танысты.

Әкіммен кездесуде компанияның атқарушы директоры Төлеген Анабаев атап көрсеткендей, кірпіш өндірісін игеру туралы шешім Омскіде кәсіпорын шикізатқа жүргізілген сараптаманың жергілікті балшықтан кірпіш алуға болатынын көрсететін қорытындысын алған кезде қабылданған.

Жаңа зауыттың өндірістік қуаттылығы жылына 20-30 кірпішті құрайды. Кірпіштер еліміздің ішкі нарығы мен Ресейге жеткізіледі.

Айдарлар мұрағаты