04.09.2014

«Нефтехим ЛТД» компаниясы Павлодарда полипропилен түйіршіктерін шығаратын зауыт жобаны іске асырып жатыр

Павлодар. 4-қыркүйек. ИНТЕРФАКС-ҚАЗАҚСТАН – «Нефтехим ЛТД» ЖШС полипропилен түйіршіктерін шығаратын өндіріс ошағының жобасын жүзеге асырып жатыр.

«Павлодар мұнай-химия зауыты мұнай өңдеумен айналысады. Өңдеу барысында алынған газ «Нефтехим ЛТД» ЖШС-не жөнелтіледі. Кәсіпорын оны өңдеп, полипропилен өндірісіне қажетті ұнтақ жасайды. Қазір онда ұнтақты түйіршіктеу қондырғысы орнатылып жатыр. Жалпы, мұндай жоба бұрын-соңды Қазақстанда болған емес», - деді облыс әкімі Қанат Бозымбаев кәсіпорынға сапары барысында.

Өндіріс ошағы биылғы жылдың соңына дейін іске қосылуы тиіс. Зауыттың өндірістік қуаты жылына 47,8 мың тонна полипропилен түйіршігін шығаруға жеткілікті.

Айдарлар мұрағаты