04.09.2014

Павлодар облысының әкімі аймақтағы жылумен және сумен қамту нысандарын жеке бақылауына алады

Павлодар. 4-қыркүйек. ИНТЕРФАКС-ҚАЗАҚСТАН – Павлодар облысындағы жылу маусымына дайындық жөніндегі штабтың жұмыс істеу принциптері өзгерді. Біз жер-жерде көшпелі отырыстар өткіземіз, деді аймақ басшысы Қанат Бозымбаев.

«Бұған дейін аудандар мен қалалардың әкімдері есеп беретін. Біз сол есепке сенетінбіз. Ал, қыста әр жерде қиындықтар туындайтын. Қысқа дайындық шеңберінде, қиындық тудырып отырған жылумен және сумен қамту нысандарын жеке өзім бақылауға аламын», - деді Қ.Бозымбаев бейсенбі күні Павлодар ЖЭО-3 нысанын аралау барысында.

Сонымен қатар, әкім кәсіпорынның жылу маусымына дайындығы жөніндегі паспорт жұимыстың сапасына кепілдік бере алмайтынын атап өтті.

«Энергонадзор» дейтін мекеме бар. Сол жерде отырған бір кісі дайындық паспортына қойылатын талаптарды ойлап тауып, паспорт таратып отырған. Мен жұмыс істеген облыста екі қала дайындық паспортын ешқашан алған емес. Ал, қазандықтар дұрыс жұмыс істеп тұрды. Ең бастысы шенеунікше жазып берген паспорт емес, қондырғының қысқа дайындығына, отынның молдығына көз жеткәзу және еңбек персоналының жалақыны уақтылы алып отыруы маңыздырақ», - деді Қ.Бозымбаев.

Айдарлар мұрағаты