25.08.2014

Биылғы жылы Павлодар облысында 120-дан астам білім нысаны жөндеуден өтті

Павлодар. 25-тамыз. ИНТЕРФАКС-ҚАЗАҚСТАН – Павлодар облысында республикалық бюджет есебінен жалпы білім беретін бес мектеп салынып жатыр, деп мәлімдеді аймақ басшысы Қанат Бозымбаев.

«1-қыркүйек күні Майқайың ауылында жаңа мектеп ашылады. Ол республикалық бюджет қаржысына салынды», - деді ол дүйсенбі күні облыс мұғалімдерінің конференциясында.

Қ.Бозымбаевтың айтуынша, облыста апатты жағдайда тұрған бір мектеп бар. Ол Ертіс ауданының Қызылағаш ауылында орналасқан. Оның орнына жүз орындық жаңа мектеп салуға облыс бюджетінен 100 млн теңге бөлінген.

Әкім ауылдық жерлердегі білім нысандарын күрделі жөндеуден өткізу үшін «Жұмыспен қамтудың жол картасы-2020» бағдарламасы бөлінген қаражаттың көп жәрдемдесіп жатқанын атап өтті.

«Биылғы жылы осындай 56 нысанға 940 млн теңге бөлінді. Жергілікті бюджеттен алынған 819 млн теңге 68 нысанды жөндеуге жұмсалды», - деді Қ.Бозымбаев.

Айдарлар мұрағаты