20.08.2014

Жылдың соңына дейін "Павлодар" еркін экономикалық аумағында құны 23 млрд теңге үш жоба іске қосылады

Павлодар.20 тамыз. ИНТЕРФАКС-ҚАЗАҚСТАН – Химия және мұнай химиясы салаларын дамыту мақсатында жылдың соңына дейін "Павлодар" еркін экономикалық аумағында жалпы сомасы 22,9 млрд теңге үш жоба іске қосылады, деп хабарлады облыс әкімінің баспасөз қызметінен.

"УПНК-ПВ" ЖШС мұнай коксын күйдіру қондырғысын іске қосады, "АгроХимПрогресс" ЖШС агрохимия өнімдерінің өндірісі жөніндегі жобаны аяқтайды, "Химсбыт-ПВ" ЖШС поливинилхлорид, антифризден өнім жасау өндірісін іске қосады.

Қазіргі уақытта "Павлодар" еркін экономикалық аумағында үш кәсіпорын бар, олар "Каустик" АҚ-ның тұз қышқылын шығару жөніндегі өндірісі, "Белизна-ПВ" ЖШС (тұрмыстық химия өндірісі) және "БО-НА" ЖШС (дезинфекциялаушы құралдар өндірісі).

Аталған үш жоба бойынша инвестициялардың жалпы көлемі 17 млрд теңгені құрайды.

"Павлодар" еркін экономикалық аймақ 2011 жылы қараша айында құрылған. Оның аумағы Павлодар қаласының солтүстік өнеркәсіптік ауданында 3300 гектарды алып жатыр.

Айдарлар мұрағаты