Жаңартылды: 15.07.2024, 12:19 (АСТ)

21.06.2024, 12:09

Қазақстанда су тасқынынан зардап шеккен 3 мыңнан астам отбасы жаңа баспана алды


Астана. 21 маусым. ИНТЕРФАКС-ҚАЗАҚСТАН-Қазақстанда су тасқынынан зардап шеккен 3 мыңнан астам отбасы жаңа тұрғын үй алды, деп хабарлады жұма күні еліміздің премьер-министрі Олжас Бектенов. "Бүгінде 3 155 отбасы жаңа тұрғын үй алды, түрлі өңірлерде 2 049 үйдің белсенді құрылысы жүріп жатыр. Жалпы тұрғын үйді қалпына келтіруге және жаңадан салуға қайырымдылық көмек пен бюджет қаражатынан 251 млрд теңге бағытталды", - деді Бектенов парламент палаталарының бірлескен отырысында. Оның айтуынша, зардап шеккен өңірлерде 17 982 тұрғын үй зерттеліп, 15 685 нысан бойынша бағалау аяқталды. Үйлердің жартысына жуығы, бағалауға сәйкес, жөндеу мен қалпына келтіруді қажет етеді. 8 мыңнан астам үй апат жағдайында деп танылды. Премьер-министр 33 141 отбасы 12 млрд теңгеден астам сомаға 100 АЕК (айлық есептік көрсеткіш, 1 АЕК 3692 теңгеге тең) мөлшерінде өтемақы алғанын айтты. Қазақстандағы көктемгі су тасқыны соңғы 80 жылдағы ең ауқымды болды. Жалпы еліміз бойынша су тасқынынан 30 мыңнан астам тұрғын және саяжай үйлері зардап шекті. Су басқан аумақтардан барлығы 120 мыңнан астам адам эвакуацияланды, олардың көпшілігі өз үйлеріне оралды.


Материалдардың толық нұсқасымен танысу үшін ақылы жазылу қызметін пайдаланыңыз.

















Айдарлар мұрағаты

Баспасөз орталығы


Error message here!

Show Error message here!

Close