Жаңартылды: 15.07.2024, 12:53 (АСТ)

20.06.2024, 10:01

Қазақстанда масс-медиа туралы заң қабылданды


Астана. 20 маусым. ИНТЕРФАКС-ҚАЗАҚСТАН - Қазақстан президенті Қасым-Жомарт Тоқаев "Масс-медиа туралы" заңға қол қойды, деп хабарлады мемлекет басшысының баспасөз қызметі. Жаңа құжатқа күші жойылды деп танылған "Бұқаралық ақпарат құралдары туралы" және "Телерадио хабарларын тарату туралы" заңдардың негізгі ережелері енгізілді. Заңда бірқатар жаңа ережелер қарастырылған, атап айтқанда, бұқаралық ақпарат құралдарын ғана емес, сонымен қатар интернет-ресурстарды да қамтитын "бұқаралық ақпарат құралдары" туралы кеңірек түсінік енгізілген. Құжатта мемлекеттік емес бұқаралық ақпарат құралдары үшін гранттар беруді, мемлекеттік органдар мен ұйымдар жанынан журналистерді аккредиттеудің оңайлатылған тәртібі (аккредиттеу карталарын берудің автоматтандырылған процесі) арқылы аккредиттеуді және басқа да функцияларды қоса алғанда, мемлекеттік ақпараттық саясат іске асырылатын Бірыңғай медиа платформа құру көзделген. Журналистер үшін қосымша құқықтық кепілдіктер белгіленді. "Журналистің ерекше мәртебесі" ұғымы енгізілді, ол арқылы оның құқықтары мен бостандықтарын қорғауды, ақпаратты іздеу, сұрау салу, алу және тарату кезінде кеңейтілген құқықтарды, сондай-ақ "Масс-медиа туралы"заңда белгіленген өзге де ерекше құқықтарды көздейтін журналист мәртебесі түсініледі.Шындыққа сәйкес келмейтін және ар-намысына, қадір-қасиетіне, іскерлік беделіне нұқсан келтіретін мәліметтерді теріске шығару туралы БАҚ-қа қойылатын талаптар бойынша талап қою мерзімі белгіленді, яғни мұндай мәліметтердің үстінен БАҚ-та жарияланған жағдайда бір жыл ішінде ғана шағымдануға болады.


Материалдардың толық нұсқасымен танысу үшін ақылы жазылу қызметін пайдаланыңыз.

















Айдарлар мұрағаты

Баспасөз орталығы


Error message here!

Show Error message here!

Close