06.11.2015

Павлодарда жаңа жабдықтармен жарақтандырылған обсерватория ашылды

Павлодар. 6 қараша. ИНТЕРФАКС-ҚАЗАҚСТАН – Павлодарда жұмада Катаев атындағы облыстық Оқушыларға арналған сарайда қайта құрылған обсерватория ашылды, деп хабарлады облыстық әкімшіліктің баспасөз қызметінен.

Ақпаратқа қарағанда, Павлодар облыстық әкімшілігі мен Еуразиялық Топ (ERG) арасындағы өз ара ынтымақтастық туралы меморандум шеңберінде обсерваторияны қайта құруға және жарақтандыруға 90 млн теңге жұмсалған.

Монтаждау жұмыстарын Еуропадан келген мамандар атқарған.

"Ғарыштық кеңістікті игеруі-өркениеттілікті дамытудың заманауи жолы, біздің ел ғарыштық державалардың бірі болып табылады. Бүгінгі күн облыстық мектеп оқушылары сарайының тәрбиеленушілері үшін бірегей оқиға болып саналады. Біз обсерваторияны аштық, ол біздің жас ғалымдарымызға ғылым мен өмірдегі жаңа келешекті игеруге мүмкіндік бермек. Мұнда балалар ғылыми жұмыстарын жүргізіп, астрономия, физика және ғарыш саласында қосымша білім алу бағдарламаларын жүзеге асыратын болады", деді ашылуында аймақ басшысы Қанат Бозымбаев.

Обсерваторияның ашылуына қазақстандық ғарышткер Айдын Айымбетов қатысты.

Обсерватория мектеп оқушыларына астрономия және астрофизика негіздерін үйренуге мүмкіндік берумен қатар, олардың мектеп бағдарламаларының аясын кеңейте түспек, өздеріне, студенттерге, жоғары оқу орындарының ұстаздарына ғылыми жұмыстар жүргізуге мүмкіндік бермек.

Ақпаратқа қарағанда, нысан CORONADO TPSMT90-30 Solar Max1190 үлкен күн телескопымен жарақтандырылған, ол арқылы Күнді бақылауға болады және астрономиялық суреттерді, бейне түсірілімдерді түсіріп, аспан нысандарын бақылауға арналған Meade 16 "LX 600-ASF" телескопымен жарақтандырылған экваториалды платформа да бар.

Обсерваториямен қатар Оқушылар сарайында «ғарыштық» оқу блогы құрылды, онда ғылыми техникалық бағыттағы жабдықтары және оқытудың арнайы бағдарламалары бар ұжымдар орналасқан, дәлдеп айтқанда : фотостудия, робот техника кружогы, информатика сыныбы және "Антарес" астрономиялық клубы бар.

Айдарлар мұрағаты